ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБАНЫХАН МОД ТАРИВ

Бүх нийтээр мод тарих үндэсний өдөр жил бүрийн 5, 10 дугаар сарын хоёр дахь долоо хоногийн Бямба гарагт тохиодог. Энэхүү арга хэмжээний хүрээнд Чингэлтэй дүүргийн Иргэдийн Төлөөлөгчдийн Хурлын ажилтан, албан хаагчид дүүргийн 124 дүгээр цэцэрлэгт Голт бор, Агч , Гүйлс мод  тарьж дүүрэг, орон нутгийнхаа хөгжилд өөрсдийн хувь нэмрээ орууллаа.
Чингэлтэй дүүргийн Иргэдийн Төлөөлөгчдийн Хурал 2014 онд тус цэцэрлэгт Голтбор, Гацуур , Гүйлс , Агч , Монос , Шинэс  , Нарс, Хайлаас, Шархуайс, Улиас зэрэг нийтдээ 10 төрлийн 3095 ширхэг мод  тарьж ургуулсан.
2015 онд Чингэлтэй дүүрэг “Ногоон дүүрэг” хөтөлбөрийн хүрээнд дүүргийн нутаг дэвсгэрт нийтийн эзэмшлийн ногоон байгууламжийн нөхөн тариаланд 9 төрлийн 10.000-аас доошгүй мод,бут, 20.000м2 зүлэг, 600м2 талбайд цэцэг, Чингэлтэй хайрханд 5000 ширхэг шилмүүст модоор ойжуулалтын ажлыг хийж хэрэгжүүлэхээр бэлтгэл ажлыг хангаж байна.

 

Leave a Reply

  • Facebook