“ЭРҮҮЛ МЭНДЭЭ ХАМГААЛЪЯ” АЯН АМЖИЛТТАЙ ӨНДӨРЛӨЛӨӨ

Иргэдэд эрүүл мэндээ хамгаалж, эрүүл аж төрөх талаар цэгцтэй мэдлэг, зөв хандлага, дадал хэвшлийг төлөвшүүлэх, эрүүл мэндийг дэмжигч таатай орчинг бүрдүүлэх “Эрүүл мэндээ хамгаалъя” нэг сарын аяны хаалтын үйл ажиллагаа 5  дугаар сарын 15-нд Тусгаар тогнолын талбайд боллоо.
Хаалтын үйл ажиллагаанд Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Хөдөлмөр эрхлэлт нийгмийн хөгжлийн асуудал хариуцсан орлогч  дарга Ж.Лхагвасүрэн, Дэд бүтэц, нийтийн аж ахуйн асуудал хариуцсан орлогч дарга Ц.Содхүү, Иргэдийн Төлөөлөгчдийн Хурлын ажлын албаны Зохион байгуулалтын хэлтсийн дарга Ж.Ганбат, Иргэний оролцооны хэлтсийн дарга Т.Уламбаяр, Ахмадын хорооны дарга А.Зул  нар оролцлоо.
Нээлтийн үеэр Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ цаашид дүүргийнхээ 170 гаруй мянган иргэддээ эрүүл мэндээ хамгаалах бүхий л үйл ажиллагаанд идэвхтэй оролцож, хороодын Иргэний танхимд тогтмол хийгдэж буй Ахмадын хийн дасгалдаа  идэвхтэй оролцож эрүүл мэндээ хайрлан хамгаалахыг уриаллаа. Чингэлтэй дүүргийн Иргэдийн Төлөөлөгчдийн Хурлын ажлын алба, Иргэний оролцооны хэлтсээс санаачилсан энэхүү аян  2015 оны дөрөвдүгээр сарын 1-ээс эхэлж сарын хугацаанд дүүргийн Ахмадын хороо, Эрүүл мэндийн нэгдэл, Нийгмийн даатгалын хэлтэс, хороодын өрхийн эрүүл мэндийн төвүүд, Төрийн болон Төрийн бус байгууллагуудтай хамтран олон ажлуудыг хийж хэрэгжүүлсэн байна.
Тэдгээрээс дурдвал хороодын Иргэний танхимуудад танин мэдэхүйн болон спортын уралдаан тэмцээн, Эрүүл мэндийн даатгалын тухай хууль, Тамхины тухай хууль, Эрүүл мэндийн дэвтрийн хэрэглээ, эмнэлгийн анхан шатны тусламж зэрэг эрүүл мэндийн зөвлөгөө, мэдээлэл, сургалтуудыг амжилттай зохион байгуулжээ.

A-Ъ

 

 

Leave a Reply

  • Facebook