ИРГЭД ТӨСӨЛ ХЭРЭГЖҮҮЛЭГЧ КОМПАНИУДЫГ УУЛЗУУЛЖ ӨГӨХИЙГ ХҮСЧ БАЙНА

Дүүргийн Иргэдийн Төлөөлөгчдийн Хурлын Дэд бүтэц, тохижилт, үйлдвэрлэл үйлчилгээ, гэр хорооллын хөгжлийн асуудал эрхэлсэн Хурлын хорооны гишүүд 2015 оны тавдугаар сарын 15-ны өдөр  Чингэлтэй дүүргийн гэр хорооллын дахин төлөвлөлт хийгдэх хороодын Засаг дарга нар, төсөл хэрэгжүүлэгч компаний төлөөллүүдтэй уулзалт зохион байгууллаа.
Чингэлтэй дүүргийн 7,8,9,10,11,13,15 дугаар хороодод “Басмаа” ХХК, “Бармон” ХХК, “Эрэл групп” ХХК, “Өндөр буянт” ХХК, “Монкон групп” ХХК, “Асар өргөө” ХХК, “Буурал сутай” ХХК-ууд гэр хорооллын дахин төлөвлөлтийн төсөл хэрэгжүүлэн ажиллаж байна. Энэ үеэр хороодын Засаг дарга нар,  компаний төлөөллүүд гэр хорооллын дахин төлөвлөлтийн явцын талаар мэдээлэл өглөө. Хоёр талт, гурван талт гэрээ хийгдэх ажил хороод дээр 35-85 хувьтай явагдаж  байгаа. Зарим хороодод нүүлгэн шилжүүлэх ажил 7 дугаар сарын нэгнээс хийгдэх юм байна.
Хүндрэлтэй асуудал нь Нийслэлээс олгодог ерөнхий төлөвлөгөө, техникийн нөхцлүүд дээр Нийслэл удаад байна гэдгийг төсөл хэрэгжүүлэгч компаний  төлөөллүүд хэлж байлаа.
Хурлын хорооны дарга Д.Алтанхуяг иргэд, аж ахуйн нэгжтэйгээ  уулзалдахгүй байгаа компаниудыг уулзуулж өгөөч гэсэн иргэдийн саналыг Нийслэлд уламжилъя.
Мөн Төсөл хэрэгжүүлж буй аж ахуй нэгжээс хамгийн гол тулгуур нь хороодын Засаг дарга нар юм. Тиймээс та бүхэн энэ хүмүүстэйгээ зөв ойлголцож ,үзэл бодлоо зөв илэрхийлж , итгэл үнэмшилийг нь авч хамтран ажиллаарай гэдгийг уулзалтанд хүрэлцэн ирсэн төсөл хэрэгжүүлэгч компаний төлөөллүүдэд захиж хэллээ.

Leave a Reply

  • Facebook