ИРГЭДИЙН ОРОЛЦООТОЙГООР ХИЙСЭН ЧИНГЭЛТЭЙ ХАЙРХАНЫ ТОХИЖИЛТЫН АЖИЛ ДУУСЧ БАЙНА

Чингэлтэй дүүргийн Иргэдийн Төлөөлөгчдийн Хурлын ээлжит 7 дугаар хуралдаанаар Иргэд, хүүхэд багачуудад байгаль дэлхийгээ хайрлах үзэл төлөвшүүлэх, Чингэлтэй хайрханыг ойжуулах зэрэг иргэдийн оролцоотой бүтээлч ажил өрнүүлэх зорилготойгоор Төрийн тусгай хамгаалалттай Чингэлтэй хайрханыг тайх их тахилгыг 5 жилд, бага тахилгыг 2 жилд 1 удаа тайж тахих дэг жаяг тогтоох талаар хэлэлцэн журам баталсан.

Ийнхүү дүүргийн Засаг дарга Д.Ганболдын санаачилгаар, иргэдийн хандив, тусламж, оролцоотойгоор Чингэлтэй хайрханы овооны орчмыг сэргээн засварлаж, сүсэгтэн, иргэд овоонд   хүрэх замыг чулуугаар тэгшлэн   тохижуулах ажил дуусах шатандаа орж байна.

Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ тэргүүтэй хүмүүс дүүргийнхээ 170 гаруй мянган иргэдийг төлөөлж овооны орчинд хийгдэж буй байгалийн нөхөн сэргээлтийн тохижилтын ажилтай танилцлаа.

Чингэлтэй хайрханы Их тахилгыг ирэх намрын эхэн сард хийхээр төлөвлөөд байна.

Leave a Reply

  • Facebook