быстрый займ на карту
Үзсэн: 614

ИРГЭДИЙН ХЯНАЛТЫН ЗӨВЛӨЛИЙН ГИШҮҮД СУРГАЛТАД ХАМРАГДАВ

Өнөөдөр буюу дөрөвдүгээр сарын 5-ны өдөр Чингэлтэй дүүргийн Иргэдийн Төлөөлөгчдийн Хурлын ажлын албанаас Иргэдийн хяналтын зөвлөлийн гишүүдийг чадавхжуулах сургалтыг зохион байгууллаа.

Арга хэмжээнд Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Ж.Эрдэнэбат, ИТХ-ын Тэргүүлэгч Б.Батхуяг, ИТХ-ын Тэргүүлэгчдийн нарийн бичгийн дарга бөгөөд Хурлын ажлын албаны дарга Ц.Алтанцацрал, нар оролцов.

Сургалтын арга хэмжээг дүүргийн ИТХ-ын дарга Д.Бат-Эрдэнэ нээж, Засаг дарга Ж.Эрдэнэбат Улс, Нийслэл, орон нутгийн төсвийн хөрөнгөөр 2018 онд Чингэлтэй дүүрэгт хийгдэх хөрөнгө оруулалт, бүтээн байгуулалтын ажлын төлөвлөгөө, явцын талаар мэдээлэл өгч, ИТХ-ын Ажлын албаны Ахлах ажилтан Г.Ундрал “Иргэдийн хяналтын зөвлөлийн ажиллах журам”-ыг  танилцууллаа.

Иргэдийн хяналтын зөвлөлийн гишүүдэд “Инфратест” ТББ-ын Сургагч багш Д.Номун-Эрдэнэ “Иргэдийн хяналт-хяналтын зөвлөлийн үйл ажиллагааны эрх зүйн орчин”, “Ил тод сан” ТББ-ын гүйцэтгэх захирал Д.Цэрэнжав “Орон нутгийн төсвийн хяналт, мониторинг” сэдвүүдээр тус тус илтгэл тавьж гишүүдийн сонирхсон асуултад хариулт өгч харилцан санал солилцов.

Иргэдийн хяналтын зөвлөл нь Орон нутгийн хөгжлийн сангийн үйл ажиллагаанд иргэд, олон нийтийг идэвхтэй оролцуулах, хороодод хийгдэж буй хөрөнгө оруулалт, төсөл арга хэмжээ,, бүтээн байгуулалтын ажлын чанар, нөхцөл байдал, гэрээний гүйцэтгэлд дүн шинжилгээ хийж, зохих хууль тогтоомжийн дагуу санал, дүгнэлт гаргах, үүрэг бүхий орон тооны бус зөвлөл юм.

Leave a Reply

  • Facebook