быстрый займ на карту
Үзсэн: 81

ЖИГЖИД, ШАРГА МОРЬТЫН ЗУСЛАНГИЙН 3 ЗАМЫН УУЛЗВАРТ ЗӨВШӨӨРӨЛГҮЙГЭЭР ҮЙЛ АЖИЛЛАГАА ЯВУУЛЖ БУЙ ИРГЭДИЙН ҮЙЛ АЖИЛЛАГААНД ХЯНАЛТ ШАЛГАЛТ ХИЙЛЭЭ

“Нийслэлийн нутаг дэвсгэрт худалдаа үйлчилгээ явуулах нийтлэг журам”-ын 6.3-т зааснаар дүүргээс зөвшөөрөгдсөн цэгээс бусад нийтийн эзэмшлийн гудамж, зам талбайд ил задгай хүнсний худалдаа үйлчилгээ болон нийтийн хоолны үйлдвэрлэл үйлчилгээ эрхлэхийг хориглоно хэмээн заасны дагуу иргэдийн эрүүл, аюулгүй, амьдрах орчныг бүрдүүлэх, стандарт, эрүүл ахуйн шаардлага хангахгүй нөхцөлд худалдаа, үйлчилгээ явуулж буй үйлдлийг таслан зогсоох зорилгоор Чингэлтэй дүүргийн Засаг даргын Тамгын газрын Хүнс, худалдаа үйлчилгээний хэлтэс, Мэргэжлийн хяналтын хэлтэс, Цагдаагийн 2 дугаар хэлтэс, Замын цагдаагийн хэлтэс, Онцгой байдлын хэлтэс, Зуслангийн Цагдаагийн хэсэгтэй хамтран хяналт шалгалтыг хийлээ.

Шалгалтаар зөвшөөрөлгүйгээр худалдаа, үйлчилгээ эрхэлж буй иргэдэд ил задгай худалдаа, үйлчилгээгээ зогсоох талаар мэдэгдэж, эрүүл ахуй, аюулгүй байдлын шаардлага хангахгүй нөхцөлд үйл ажиллагаа явуулж байсан үйлдлийг таслан зогсоож ажиллалаа. Хяналт шалгалтад нийт 40 гаруй худалдаа, үйлчилгээ эрхлэгч иргэд хамрагдлаа. Хяналт шалгалтаар илэрсэн зөрчилд Зөрчлийн тухай хуулийн холбогдох заалтаар хариуцлага тооцохоор ажиллаж байна.

Leave a Reply

  • Facebook