ЧИНГЭЛТЭЙ ДҮҮРГИЙН ЗАСАГ ДАРГА Н.БАТСҮМБЭРЭЛ 7, 8 ДУГААР ХОРООДОД ХЯНАЛТ ТАВЬЖ АЖИЛЛАЛАА.

Нийслэлийн Засаг дарга бөгөөд Улаанбаатар хотын захирагчийн 2020 оны 03 дугаар сарын 06-ны өдөр баталсан Удирдамжийн дагуу Чингэлтэй дүүргийн Засаг дарга Н.Батсүмбэрэл дүүргийн 7,8 дугаар хороодод ажиллаж “Өндөржүүлсэн бэлэн байдлын үе”-ийн үйл ажиллагаа, ариутгал халдваргүйжүүлэх ажлын явц, хорио цээрийн дэглэмийн дэг журмын хэрэгжилтэд хяналт тавьж ажиллалаа. Ажиллах явцдаа “Сэтгэлийн тус багадахгүй аян”-ы хүрээнд хандиваар цугласан амны хаалтыг иргэд, үйлчилгээ үзүүлж ажиллаж буй төрийн албан хаагчдад, эргүүл, жижүүр хийж байгаа хэсгийн ахлаг, нийтийн эргүүлүүдэд гардуулан өглөө. Чингэлтэй дүүргийн Засаг дарга бөгөөд, дүүргийн Онцгой Коммисийн дарга Н.Батсүмбэрэл “Цар Тахал” өвчнөөс урьдчилан сэргийлэхэд хүн бүр өөрийн хариуцлага, ухамсар хамгийн чухал гэдгийг онцлоод иргэд дунд цахим хэлбэрээр сурталчлахыг хорооны Засаг дарга нарын Ажлын албанд үүрэг болголоо.

 

 

 

 

 

Leave a Reply

  • Facebook