ДҮҮРГИЙН ИРГЭДИЙН ТӨЛӨӨЛӨГЧДИЙН ХУРАЛ, ЗАСАГ ДАРГЫН ТАМГЫН ГАЗАРТ АЖИЛЛАЖ БАЙСАН АХМАДУУДАА ХҮНДЭТГЭЛЭЭ

Хөхөгчин Хонин жилийн сар шинийн баярыг угтан, энэ сарын 15-ны Ням гарагт Дүүргийн Иргэдийн Төлөөлөгчдийн Хурал, Засаг даргын Тамгын газарт ажиллаж байсан ахмад буурлуудаа дүүргийн удирдлагууд Улсын Драмын Эрдмийн Театрт хүлээн авч хүндэтгэл үзүүлэв.

Арга хэмжээнд дүүргийн ИТХ-ын дарга Д.Бат-Эрдэнэ, Засаг дарга Д.Ганболд, Засаг даргын Хөдөлмөр эрхлэлт, нийгмийн асуудал хариуцсан орлогч Ж.Лхагвасүрэн, Засаг даргын Тамгын газрын дарга Ж.Эрдэнэбат, Ахмадын хорооны дарга А.Зул нар оролцлоо. Дүүргийн ИТХ-ын дарга Д.Бат-Эрдэнэ,Засаг дарга Д.Ганболд нар ахмадууддаа хандан мэндчилгээ дэвшүүлж, Засаг даргын Тамгын газрын дарга Ж.Эрдэнэбат 2014 онд дүүрэгт бүтээн байгуулагдсан болоод 2015 онд хийгдэх ажлуудын талаар товч мэдээлэл өгөв.

Ахмадын хорооны дарга А.Зул “1992 онд Чингэлтэй дүүрэг байгуулагдахад баг болж , дүүргийн ИТХ, Засаг даргын Тамгын газарт ажиллаж байсан ахмадуудаа хараад бахархаж байна. Бидэнтэй хамт ажиллаж байсан залуучууд өнөөдөр дүүргээ удирдаж явна. Хэдийгээр саяхан мэт санагдавч 20 гаруй жил өнгөрчээ” хэмээн дурсамжаасаа хуваалцлаа. Төгсгөлд нь дүүргийн удирдлагууд ахмад ажилтнууддаа дурсамжийн ном, гарын бэлэг гардуулав.

IMG_8565 IMG_8568



website numbers total

Leave a Reply

  • Facebook