“ЯВУУ БАГШ” НОМЫН НЭЭЛТ БОЛЛОО

IMG_1380

Дүүргийн Засаг даргын Тамгын газраас зохион байгуулсан Дорнын их яруу найрагч Б.Явуухулангийн намтар, уран бүтээлийн “Явуу”багш” номын нээлт 3-р сарын 13-нд 23-р сургуулийн хурлын танхимд боллоо.

Номын баярт дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Засаг дарга Д.Ганболд, дүүргийн бусад удирдлага, Ардын уран зохиолч Ш.Сүрэнжав, Ардын уран зохиолч Д.Цоодол, Соёлын гавьяат зүтгэлтэн яруу найрагч С.Оюун, Монголын Зохиолчдын Эвлэлийн Удирдах зөвлөлийн дарга Ц.Буянзаяа нарын үе үеийн зохиолч яруу найрагч, хөгжмийн зохиолчдын төлөөлөл, дүүргийн ерөнхий боловсролын сургуулийн захирлууд оролцлоо. Номын баярыг нээж дүүргийн Засаг дарга Д.Ганболд үг хэлэв.

“Явуу багш” номын дээжийг зохиогчдоос гадна Ардын уран зохиолч Ш.Сүрэнжав, дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Д.Ганболд, Засаг даргын орлогч Ж.Лхагвасүрэн, Засаг даргын Тамгын газрын дарга Д.Эрдэнэбат нарт өргөн барилаа.

IMG_1429

Уг номыг Ардын уран зохиолч, Төрийн шагналт Д.Цоодол, Соёлын гавьяат зүтгэлтэн Ж.Саруулбуян нар зохиож, Улаанбаатар дээд сургуулийн профессор, доктор Д.Цэдэв ариутган шүүсэн байна. Дорнын их яруу найрагч Б.Явуухулангийн тухай Ардын уран зохиолч Ш.Сүрэнжав, Д.Цоодол тэргүүтнүүд хөгжилтэй, хөөртэй цөөнгүй дурсамжаасаа хуваалцлаа. Ардын уран зохиолч Ш.Сүрэнжав “Явуу багш” сайхан ном болсон байна гээд уг номыг ивээн тэтгэж хэвлүүлсэн Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Засаг дарга Д.Ганболд нарт талархал илэрхийлэв.

Мөн Ардын уран зохиолч Д.Цоодол дүүргийн удирдлагууд Чингэлтэй хайрханы бэлд Эрдмийн цэцэрлэгт хүрээлэн байгуулах болсон тухай дуулсанаа бусаддаа сонирхуулсан юм.

IMG_1427

Дүүргийн Засаг даргын Тамгын газраас Б.Явуухулангийн уран бүтээлээр дамжуулан хүүхэд, багачуудад байгаль, эх дэлхийгээ хайрлах, Монгол хэлээрээ бахархах, эх оронч үзлийг түгээн дэлгэрүүлэх, хүүхдийн авьяасыг нээн хөгжүүлэх зорилгоор сургуулийн өмнөх насны багачууд, бага, дунд, ахлах ангийн сурагчдын дунд олон тэмцээнийг өргөн хүрээнд явуулахаар төлөвлөн ажиллаж байна. 23-р сургуулийн сурагчид алдарт найрагчийн Алаг дэлхийд төрсөн минь учиртай шүлгийг Монгол, Орос, Англи, Япон, Хятад, Солонгос хэлээр уншиж сонирхууллаа.  Явуу багш номын баярт оролцогсод Явуухулангийн цэцэрлэгт хүрээлэнд дурсгалын зураг татуулсанаар  арга хэмжээ өндөрлөсөн юм.

IMG_1483

IMG_1346

IMG_1352

IMG_1347

IMG_1348

IMG_1363

IMG_1433

IMG_1461

IMG_1436

IMG_1483

IMG_1437

IMG_1471

IMG_1507

 

IMG_1484

IMG_1493

IMG_1359

IMG_1367

IMG_1372

IMG_1371

IMG_1501

IMG_1508

IMG_1515

IMG_1564

IMG_1572

IMG_9456

Leave a Reply

  • Facebook