Чингэлтэй дүүргийн Засаг даргын Тамгын газраас дэргэдэх хэлтэс, албад, хороодын удирдлага, албан хаагчдад зориулсан сургалтыг зохион байгууллаа.

 

Сургалтаар гүйцэтгэлийн төлөвлөгөө боловсруулах, тайлан бичих, удирдах ажилтны сэтгэл зүй ба бүтээмж, албан хэрэг хөтлөлтөд анхаарах шаардлагатай асуудлаар албан хаагчдад мэдээлэл өглөө.

Уг сургалтыг Засгийн Газрын Хэрэг Эрхлэх газрын Засгийн газрын референт С.Нямбаяр, “NPC&Mandal” ХХК-ын Байгууллагын сэтгэл зүйч Ц.Энхжаргал нар удирдан явууллаа.

 

“Зөвлөлдөж шийдье” улсын хэмжээний зөвлөлдөх санал асуулгын үйл ажиллагаанд идэвх гарган оролцож, Монгол Улсын Үндсэн хуульд заасан АРД ТҮМЭН ЗАСАГЛАХ эрхийг хангахад үнэтэй хувь нэмэр оруулсанд хороодын Засаг дарга болон дүүргийн Засаг даргын Тамгын газар, Статистикийн хэлтсийн алба хаагчдад Улсын Их хурлын Дарга Г.Занданшатарын талархлыг гардууллаа.

 

Талархал гардуулах үйл ажиллагаанд Чингэлтэй дүүргийн Засаг даргын Тамгын газрын дарга П.Баянбаатар, дүүргийн Статистикийн хэлтсийн дарга Д.Мөнхзул нар баяр хүргэж амжилт хүслээ.

"Оюутан-цэрэг"-т цэргийн мэргэжил олгох сургалтад хамрагдах хүсэлтэй оюутнууд

Нийслэл Улаанбаатар хот дахь магадлан итгэмжлэгдсэн их, дээд сургуулийн 1-р дамжааны оюутан байх;

Сурлагын голч дүн 2,8-аас дээш байх;

2023 оны 06 дугаар сарын 15-ны өдрөөс өмнө 18 нас хүрсэн байх;

Эрүүл мэндийн даатгал төлөгдсөн байх зэрэг болно.

Чингэлтэй дүүргийн Жендэрийн Салбар хорооны 2023 оны анхдугаар хурал боллоо. Хурлыг дүүргийн Жендэрийн Салбар хорооны дарга бөгөөд Чингэлтэй дүүргийн Засаг даргын Тамгын газрын Дарга П.Баянбаатар хурлыг удирдан чиглүүлж явууллаа.

 

Тус хурлаар Жендэрийн эрх тэгш байдлыг хангах тухай хуулийн 19 дүгээр зүйлийн хэрэгжилтийг хангуулах чиглэлээр 2023 онд хийж хэрэгжүүлэх үйл ажиллагааны талаар хэлэлцэж, Салбар хорооны дарга дараах үүрэг чиглэлийг өглөө.

 

Эрүүл мэндийн төв дээр үйл ажиллагаа явуулж буй “Эрчүүдийн кабинетыг эрчимжүүлж ажиллуулах.

Гэр бүл, хүүхэд, залуучуудын хөгжлийн хэлтсийг түшиглэн байгуулагдсан НҮБ-ын санхүүжилтээр ашиглалтад орсон “Эрэгтэйчүүдэд зөвлөгөө өгөх төв”-ийн үйл ажиллагааг эрчимжүүлэх.

Жендэрийн мэдрэмжтэй байгууллагыг дүүргийн хэмжээнд шалгаруулан сурталчлах

Жендэрийн боловсрол олгох сургалт, нөлөөллийн ажлыг иргэд, олон нийтэд хүртээмжтэй зохион байгуулж ажиллахыг үүрэг болголоо.

 

Хүн амын хаврын улирлын хэрэгцээнд зориулан бэлтгэн нөөцөлсөн махыг 2023 оны 03 дугаар сарын 15-ны өдрөөс эхлэн худалдана.

 

Үүнтэй холбоотойгоор Нийслэлийн Хүнс, хөдөө аж ахуйн газар, Улаанбаатар хотын Захирагчийн ажлын алба, Татварын ерөнхий газартай хамтран И-баримт олгох, пос терминал буюу кассын машины системийн хөгжүүлэлт, цахим төлбөрийн системд мэдээллийг цаг хугацаанд нь илгээх талаар нөөцийн мах худалдан борлуулах хүнсний дэлгүүрүүдэд мэдээлэл өгч санал солилцлоо.

 

Дүүргийн 1-24 дүгээр хорооны нутаг дэвсгэрт үйл ажиллагаа явуулж байгаа 50 аж ахуйн нэгжид бэлтгэн нийлүүлэгч 3 компани нөөцийн мах нийлүүлэхээр бэлтгэл ажлыг ханган ажиллаж байна.

Чингэлтэй дүүргийн Засаг даргын Тамгын газрын Архивын хэлтсээс “Архив, албан хэрэг хөтлөлт, Edoc нэгдсэн системийн ашиглалт, анхаарах асуудлууд” сэдвээр сургалт зохион байгууллаа.

Сургалтад архив, албан хэрэг хөтлөлтийн хууль тогтоомжийн хэрэгжилтийг хангах ажлын хүрээнд дүүргийн 1-24 хороо, Засаг даргын дэргэдэх хэлтэс, алба, сургууль, цэцэрлэгийн Архив, бичиг хэрэг хариуцсан албан хаагчдыг мэргэжил арга зүйн зөвлөмж өгч санал солилцлоо.