“БИ МОНГОЛ ХҮҮХЭД” ЕС ЗАНШЛЫН НААДАМ АМЖИЛТТАЙ БОЛЖ ӨНДӨРЛӨЛӨӨ

Чингэлтэй дүүргийн Ерөнхий боловсролын сургуулиудын 1-5-р ангийн сурагч, бага ангийн багш нарын дунд зохион байгуулагддаг “Би Монгол хүүхэд” ёс заншлын наадам 11 дэх жилдээ амжилттай болж өндөрлөлөө.
Бага ангийн сурагчдын зан суртахууны төлөвшил, уламжлалт аж төрөх ёс, үндэсний өв соёл, бахархлаа дээдэлж, түүнээс суралцах хэрэгцээ сонирхлыг бий болгох зорилгоор жил бүр зохион байгуулдаг.
Ерөнхий боловсролын сургуулиудын 1-5 дугаар ангийн 10 сурагч, бага ангийн 2 багштай баг болон Монгол ёс заншил, ахуйн танхим байгуулан түүнийгээ сурталчлан таниулж, сурагчдад түгээн дэлгэрүүллээ.
Энэхүү тэмцээнд Ш.Оюунсүрэн захиралтай 23 -р сургууль тэргүүн байр эзэлж 1,000,000 төгрөг, Н.Гэндэнсүрэн захиралтай 5-р сургууль дэд байр 800,000 төгрөг, гутгаар байранд Б.Амар захиралтай 50-р сургууль 500,000 төгрөг, тусгай байранд Г.Цолмон захиралтай 57-р сургууль, Ж.Баярмаа захиралтай 49-р сургууль эзэлж тус бүр 300,000 төгрөгөөр шагнууллаа.