УДИРДАХ АЖИЛТНЫ ЭЭЛЖИТ ШУУРХАЙ ЗӨВЛӨГӨӨН БОЛЛОО

Дүүргийн удирдах ажилтны ээлжит шуурхай зөвлөгөөн өнөөдөр буюу дөрөвдүгээр сарын 8-ны өдөр Чингэлтэй дүүргийн Засаг дарга Н.Мандуулын удирдлага дор явагдав.

Зөвлөгөөнд дүүргийн удирдах ажилтнууд оролцож, өмнөх хуралдаанаар өгсөн үүрэг даалгаврын биелэлттэй танилцаж, шинэ үүрэг чиглэлийг хэлэлцлээ.

Энэ үеэр Засаг дарга Н.Мандуул дараах үүрэг чиглэлийг өгөв:

Авто замын бүтээн байгуулалт, засвар, шинэчлэл: Дүүргийн нутаг дэвсгэрт хийгдэж буй авто замын бүтээн байгуулалт, засвар, шинэчлэл, дээвэр, фасадын ажлуудыг 2025 оны 7-р сараас өмнө дуусгахыг үүрэг болголоо.

Гэр хорооллын дахин төлөвлөлт: Сэлбэ төслийн хүрээнд газар чөлөөлөлтөөс үүссэн барилга байгууламжийн хур хогийг цэвэрлэх, ачиж тээвэрлэх ажлуудыг эрчимжүүлж зохион байгуулах.

Эрүүл мэндийн урьдчилсан үзлэг: Дүүргийн Засаг даргын Тамгын газар болон дэргэдэх газар, хэлтэс, албадын үлдсэн ажилтан, албан хаагчдыг эрүүл мэндийн урьдчилсан сэргийлэх үзлэгт хамруулах ажлыг шуурхай зохион байгуулах.

Хяналтын камер суурилуулах: Дүүргийн нутаг дэвсгэрт хог их хаядаг байршлуудад хяналтын камер суурилуулах ажлыг шуурхай зохион байгуулах.

Замын хөдөлгөөний аюулгүй байдал: Замын хөдөлгөөний дүрмийг зөрчсөн жолооч нарт хариуцлага тооцох ажлыг эрчимжүүлж, татвараа төлөөгүй, оношилгоонд ороогүй тээврийн хэрэгслийг илрүүлэх ажлыг зохион байгуулахыг.

Улаанбурхан өвчөөс урьдчилан сэргийлэх: Улаан бурхан өвчний дэгдэлт нэмэгдэж буйтай холбогдуулан бага насны хүүхдийн нэмэлт болон нөхөн тунг идэвхжүүлэх, өвчлөлөөс урьдчилан сэргийлэх ажлуудыг зохион байгуулах.

Угаарын хийд хордсон иргэдийн мэдээлэл: Угаарын хийд хордсон иргэдийн мэдээллийг холбогдох байгууллагуудаас тогтмол авч, хордлогоос урьдчилан сэргийлэх чиглэлээр анхааруулга, зөвлөмжийг тогтмол өгөх.

Ногоон байгууламжийн арчилгаа: Засаг даргын дэргэдэх хэлтэс, албад хуваарилагдсан дүүргийн Ерөнхий боловсролын сургууль, цэцэрлэгийн гадна ногоон байгууламж, арчилгаа, хамгаалалтыг нэмэгдүүлэх төлөвлөгөө гаргаж, онцгой анхаарч ажиллах.

Гудамж талбайн усалгаа: Хаврын улиралд гудамж талбайн чийглэгээ, усалгааг өдөр бүр хийх зэрэг ажлыг холбогдох албан тушаалтнуудад үүрэг болголоо.