“Төгсөлтийн аргачлалаар хэрэгжүүлэх туршилтын хөтөлбөр” манай дүүрэгт 3 жилийн хугацаатай хэрэгжээд дууслаа

 

     Гэр бүл, хөдөлмөр, нийгмийн хамгааллын яам, Монголын Улаан загалмайн нийгэмлэгтэй хамтран Чингэлтэй дүүрэгт хэрэгжүүлсэн “Төгсөлтийн аргачлалаар хэрэгжүүлэх туршилтын хөтөлбөр” манай дүүрэгт 3 жилийн хугацаатай хэрэгжээд дуусаж байна. 3 жил орчмын хугацаанд төсөлд хамрагдсан өрхүүд маань өөрсдийн сонгосон бизнесийн чиглэлээр аж ахуй эрхэлж, өрхийн орлогоо нэмэгдүүлсэн.

 

Өнөөдөр Чингэлтэй дүүргийн Засаг даргын орлогч З.Бямбажав Гэр бүл, хөдөлмөр, нийгмийн хамгааллын яамнаас зохион байгуулсан “Туршилтын хөтөлбөрийн хүлээлгэн өгөх семинар”-т оролцон төслийн үр дүн, амжилттай хэрэгжсэн сайн туршлагууд, туршилтын хөтөлбөрт хамрагдсан өрхийн жижиг, дунд бизнесийг өргөжүүлэх төлөвлөгөөг танилцуулж, санал солилцлоо.

Төслийн хэрэгжих хугацаа дуусаж байгаа хэдий ч дүүргийн Засаг даргын Тамгын газар, Хөдөлмөр, халамжийн үйлчилгээний хэлтэс, Улаан загалмайн хороо, Жижиг дунд үйлдвэрийг дэмжих төв, Хороодын Засаг дарга нар төслийн багаас өрхүүдээ хүлээн авч, цаашид өрхүүдийн эхлүүлсэн өрхийн үйлдвэрлэл, жижиг дунд бизнесийг нь өргөжүүлэхэд дэмжлэг үзүүлж хамтрах, мөн өрхүүдийнхээ үйлдвэрлэсэн бараа бүтээгдэхүүнийг сурталчлах, борлуулалтын дэмжлэг үзүүлэх чиглэлд хамтран ажиллахаар төлөвлөж байна.