Засгийн газрын хэрэгжүүлэгч агентлаг Соёл, урлагийн газраас зохион байгуулж буй “Соёл түгээе” уриатай бүх нийтийн соёлын аянд Чингэлтэй дүүргийн Засаг даргын Тамгын газар нэгдлээ. Аяны хүрээнд байгууллагын соёлыг төлөвшүүлэх, хамт олны эерэг уур амьсгалыг бий болгох ач холбогдолтой Өглөөний чөлөөт уулзалт арга хэмжээг эхлүүллээ.

Уг арга хэмжээний үеэр дүүргийн Иргэдийн Төлөөлөгчдийн Хурлаас үндэсний бахархал, эв нэгдлийг иргэн бүрд төлөвшүүлэх, өв соёлоо түгээн дэлгэрүүлж, сурталчлах зорилгоор дүүргийн нутаг дэвсгэрт үйл ажиллагаа явуулж байгаа аж ахуйн нэгжүүд, төр захиргааны байгууллага, албан хаагчид, хамт олныг долоо хоног бүрийн Даваа гарагийг “Үндэсний хувцас”-тай өдөр болгон баталсан тогтоолын хэрэгжилтийг хангаж, үндэсний хувцасаа өмсөхийг уриалсан юм.

Дүүргийн нутаг дэвсгэрт үйл ажиллагаа эрхэлдэг аж ахуйн нэгж байгууллага, төр захиргааны байгууллага болон иргэд, олон нийтийг “Соёл түгээе” аянд нэгдэж, нөлөөллийн үйл ажиллагааг зохион байгуулж, сошиал орчинд түгээж ажиллахыг уриалж байна.