ДҮҮРГИЙН ХЭМЖЭЭНД АВТО ЗАСВАР, ҮЙЛЧИЛГЭЭНИЙ ГАЗРУУДЫН ҮЙЛ АЖИЛЛАГААНД ХЯНАЛТ ШАЛГАЛТ ХИЙЖ БАЙНА

 

Хянан шалгах ажил 11 дүгээр сарын 3-17-ны хооронд үргэлжилнэ. Энэхүү нэгдсэн үзлэгээр:

-Авто засвар, үйлчилгээ үзүүлж буй газруудын үйлчилгээний чанар, аюулгүй байдлыг хангах

-Иргэдийн амь нас, эрүүл мэндэд эрсдэл учруулж болзошгүй зөрчлүүдийг илрүүлж, арилгуулах

-Байгаль орчинд сөрөг нөлөө үзүүлэхгүй ажиллах нөхцлийг бүрдүүлэх

-Автотээврийн үйлчилгээний соёл, хариуцлагыг дээшлүүлэх зорилготой.

Өнгөрсөн өдрүүдэд хийсэн хяналт шалтгалтаар ажлын байрны аюулгүйн нөхцөлийг хангаагүй, сэтгэцэд нөлөөлөхүйц эм бэлдмэл хадгалсан байж болзошгүй 2 засварын газрыг хааж, түр арга хэмжээ аваад байна.

Ажлын багт Нийслэлийн нийтийн тээврийн бодлогын газар, Цагдаагийн газар, дүүргийн Хүнс, худалдаа, үйлчилгээний хэлтэс, Онцгой байдлын хэлтэс болон 1–24 дүгээр хорооны Засаг дарга нар багтаж байна.