“НАС БОЛ ТОО” ЦЭНГЭЭНТ БҮЖГИЙН ТЭМЦЭЭН БОЛЛОО

Олон улсын Ахмадын өдрийг тохиолдуулан Чингэлтэй дүүргийн Иргэдийн Төлөөлөгчдийн Хурлын төлөөлөгч, гуравдугаар хорооны Засаг дарга, Монгол Улсын Үйлчилгээний гавьяат ажилтан Ж.Чимэдцогзолын санаачилгаар жил бүр уламжлал болгон зохион байгуулдаг “НАС БОЛ ТОО” цэнгээнт бүжгийн тэмцээн 2025 оны 9 дүгээр сарын 19-ний өдөр дүүргийн Биеийн тамир, спортын хороонд амжилттай болж өндөрлөлөө.

Ахмад настнуудын хөдөлгөөний дутагдлаас урьдчилан сэргийлэх, чөлөөт цагаа зөв боловсон өнгөрүүлэх, харилцан туршлага солилцох, хамтын ажиллагааг бэхжүүлэх зорилготой энэхүү тэмцээнд дүүргийн 1-24 дүгээр хорооны бүжгийн хосууд оролцож, дөрвөн төрлийн бүжгээр өрсөлдсөн юм.

Тэмцээний дүнгээр:

• 1-р байр – 23 дугаар хорооны “Арга билэг” багийн Х.Цогбаяр, Я.Мөнхбаяр

• 2-р байр – 6 дугаар хорооны “Баянбүрд” багийн О.Нармандах, З.Цэцэгмаа

• 3-р байр – 19 дүгээр хорооны “Аялгуу” багийн Б.Баяр, Д.Энхтуяа нар шалгарч Өргөмжлөл болон мөнгөн шагналаар шагнууллаа.

“НАС БОЛ ТОО” ахмадын цэнгээнт бүжгийн тэмцээн нь Чингэлтэй дүүргийн Иргэдийн Төлөөлөгчдийн Хурлаар баталсан “Чингэлтэйн ахмадууд-2028” арга хэмжээний хүрээнд хэрэгждэг бөгөөд жил бүр уламжлал болон зохион байгуулагддагаараа онцлог юм.