Эрхэм хүндэт Чингэлтэйчүүд, Нийслэл Улаанбаатар хотын иргэд та бүхний энэ өдрийн амрыг эрэн мэндчилье.

 

Бид Чингэлтэй дүүргийн хөгжил дэвшил болоод бүтээлч, оюунлаг, эрүүл иргэнтэй байх, амьдрахад таатай амар тайван, аюулгүй орчинтой, ногоон хөгжлийг эрхэмлэсэн, үйлдвэрлэл, үйлчилгээг хөгжүүлсэн, зохистой хөдөлмөрийг дэмжсэн, хариуцлагатай, цахим систем, ухаалаг менежментийг хэрэгжүүлсэн тогтвортой хөгжил бүхий дүүрэг болох зорилтынхоо хүрээнд олон төсөл хөтөлбөрүүдийг хэрэгжүүлэхээр төлөвлөн ажиллаж байна. 

 

Мөн иргэдийнхээ эрүүл мэндэд анхаарч, агаарын бохирдлыг бууруулахад чиглэсэн оновчтой зөв менежментийг нэвтрүүлж, иргэд та бүхний амьдрах орчны аюулгүй байдал, цэвэр тохилог гудамж талбайг бүрдүүлэхэд анхаарч байгаа билээ.

 

Дүүргийнхээ хөгжлийг шат ахиулахад чухал хувь нэмэр оруулах иргэн та өөрт тулгарч байгаа асуудал, дүүргийн тохижилт үйлчилгээ, өдөр тутмын үйл ажиллагаатай холбоотой санал хүсэлт байвал энэхүү вэбсайтын “Санал хүсэлт” хэсгээр дамжуулан бидэнд ирүүлээрэй. Иргэн таны илгээсэн санал хүсэлтийг хамгийн шуурхай, зөв төлөвлөлтөөр шийдвэрлэн ажиллах болно.