УДИРДАХ АЖИЛТНЫ ЭЭЛЖИТ ШУУРХАЙ ЗӨВЛӨГӨӨН БОЛЛОО

01. Хөрөнгө оруулалт, бүтээн байгуулалтын ажлын хүрээнд зураг төсөв, ажлын даалгавар, техникийн тодорхойлолт ирээгүй удааширч буй төсөл, арга хэмжээг эрчимжүүлж, холбогдох байгууллагууд ажлын тоо хэмжээгээ яаралтай гарган Төлөвлөлт, гүйцэтгэлийн удирдлагын хэлтэст ирүүлэх.

02. Дүүргийн нутгийн захиргааны байгууллагууд ажилтан, албан хаагчдаа тендер сонгон шалгаруулалтын А-3 сертификатын сургалтад хамруулж, ажлын байрны тодорхойлолтод тусгаж ажиллах.

03. Сүхбаатарын талбай дээр 2025 оны 04 дүгээр сарын эхний 7 хоногт “Хоолны өдөрлөг” зохион байгуулахад дүүргээс оролцох иргэн, аж ахуйн нэгж, байгууллагын бэлтгэлийг хангаж ажиллах.

04. Дүүргийн хэмжээнд нийтийн эзэмшлийн гудамж, зам талбайн хог хаягдлыг цэвэрлэх, фасад, хайс хашааг угаах ажлыг зохион байгуулах.

06. Хуулиас давсан шаардлага, шалгуур тавьсан журмын зохицуулалтыг цэгцэлж судалгаа гаргаж танилцуулах.

07. Сар шинийн баярыг угтан “Бүх нийтийн их цэвэрлэгээ” энэ сарын 22, 23-ны өдрүүдэд зохион байгуулна. Цэвэрлэгээгээр цас мөс цэвэрлэх, хог хаягдал, цэвэрлэх, тээвэрлэх, өнгө үзэмжийг сэргээх, ажлыг зохион байгуулах.

08. Дүүргийн хэмжээнд үер, ус ихээр тогтдог байршлуудыг судалгааг гаргаж ажиллах.

10. Авто замын түгжрэлийг бууруулах зорилгоор дүүргийн хороолол дундах мухар болон түгжрэл их үүсдэг байршлуудын авто замын засвар, шинэчлэлтийн судалгаа гаргах.

11. Дүүргийн ЕБС-иудын сурагчдыг усан спортоор хичээллүүлэх бэлтгэл ажлыг хангах хүрээнд эрүүл мэндийн үзлэгт хамруулах, хичээллэж буй хугацаанд осол эндэгдлээс сэргийлэх, эхний ээлжийн 800 сурагчдыг хичээллүүлж дууссаны дараа, сургалтад хамрагдаагүй сурагчдыг хамруулах.

12. Агаарын бохирдлыг бууруулах арга хэмжээний хүрээнд дүүргийн 7-24 дүгээр хороодын айл өрхийн байшингийн дулаан алдагдлыг хэмжих, дулаан алдагдаж буй айл өрхөд байшингаа хямд зардлаар дулаалах аргачлалыг зааж, зөвлөн туслах ажлыг эрчимжүүлэх ажлыг хэлтэс албадын дарга нарт үүрэг болголоо.