“БИ МОНГОЛ ХҮҮХЭД” ЁС ЗАНШЛЫН НААДАМ ЭХЭЛЛЭЭ

Чингэлтэй дүүргийн Ерөнхий боловсролын сургуулиудын 1-5 дугаар ангийн сурагч, бага ангийн багш нарын дунд зохион байгуулдаг “Би Монгол хүүхэд” ёс заншлын наадмыг 10 дахь жилдээ зохион байгуулж байна.

Ерөнхий боловсролын сургуулиудын бага ангийн сурагчдын зан суртахууны төлөвшил, уламжлалт аж төрөх ёс, үндэсний өв соёл, бахархлаа дээдэлж, түүнээс суралцах хэрэгцээ сонирхлыг бий болгох зорилготой тус наадамд 17 сургуулийн 200 гаруй сурагчид оролцож байна. Тус наадам 02 дугаар сарын 17-20-ны өдрүүдэд ҮРГЭЛЖИЛНЭ.