ХОРООДЫН ЗАСАГ ДАРГА НАРТ ҮҮРЭГ ДААЛГАВАР ӨГЛӨӨ

Чингэлтэй дүүргийн Засаг дарга Н.Мандуул өнөөдөр 1-24 дүгээр хороодын Засаг дарга нартай уулзаж, үүрэг даалгавар өглөө.

Иргэдийн эрүүл, аюулгүй орчинд амьдрах эрхийг зөрчиж нийтийн эзэмшлийн гудамж, зам талбай, авто зам болон явган хүний замд дур мэдэн байршуулсан хашаа, хайс, хаалт, автомашины гарааш, зөөврийн сууц зэрэг зөрчлүүдийг илрүүлж холбогдох байгууллагуудад мэдэгдэж, шуурхай ажиллах, хороодын Засаг дарга нарыг нутаг дэвсгэр дээрх автомашины тоо, одоо байгаа зогсоолын тоо, цаашид барих боломжтой далд зогсоолын байршлуудын судалгааг гаргаж, өгөхийг үүрэг болгов.

Дүүргийн хэмжээнд ахуйн хог хаягдлыг ачиж, цуглуулах, тээвэрлэх ажлыг шөнийн цагийн хуваарьт шилжүүлсэн. Үүний дагуу  хог ангилан хаях, дахин боловсруулах, хоёрдогч түүхий эд авах төвлөрсөн дундын цэгийг бий болгохоор зорьж байгаа юм.

Энэ дагуу хоёрдогч түүхий эд авдаг байршлуудын судалгааг гаргаж өгөх, эзэнгүй золбин нохой, муурын судалгааг гаргаж, ялангуяа зуслангийн бүсэд иргэдийн аюулгүй байдлыг алдагдуулж байгаа муур, нохойны асуудлыг цэгцэлж ажиллахыг үүрэгдэв.