Өнөөдөр Чингэлтэй дүүргийн Засаг даргын Тамгын газар, ОХУ-ын Улаан-үд хотын Байгаль экспо хамтран зохион байгуулж буй “Монгол-Оросын хамтарсан Олон Улсын үзэсгэлэн худалдаа”-ны нээлтийн үйл ажиллагаа боллоо.
Дүүргийн иргэдийн Төлөөлөгчдийн Хурлын дарга Т.Уламбаяр үзэсгэлэн худалдааг нээж хэлсэн үгэндээ ОХУ-ын Монгол Улсад суугаа Элчин сайд Евсиков Алексей Николаевичийн хүсэлтээр энэхүү хамтарсан үзэсгэлэн худалдааг улирал тутамд зохион байгуулж ажиллах талаар онцоллоо.
Хоёр улсын хамтран зохион байгуулж буй үзэсгэлэн худалдааг зохион байгуулснаар найрамдалт хамтын ажиллагаа бэхжин хөгжихийн зэрэгцээ хоёр талын бизнес эрхлэгчид, аж ахуйн нэгжүүд, жижиг дунд үйлдвэрлэгчид бараа бүтээгдэхүүнээ худалдаалан борлуулах, хоорондын харилцаа холбоог өргөжүүлэх, харилцан хоёр улсын зах зээлд гарган туршлага солилцоход ихээхэн дэмжлэг болох юм.
Үзэсгэлэн худалдаанд Буриадын 20 гаруй аж ахуйн нэгжүүд шинэ хүнсний бүтээгдэхүүн, суулгац, бордоо, бэлэг дурсгалын зүйлс, барилгын материалууд, нийтийн хэрэглээний бараа болон бусад олон зүйлийг худалдаалж байна.
Үзэсгэлэн “Тусгаар тогтнолын талбай”-д 2025 оны 05 дугаар сарын 23-ны өдрөөс 25-ний өдрүүдийн хооронд зохион байгуулагдана.
“АМАР БАЙНА УУ” ЦАГААН САРЫН ҮЗЭСГЭЛЭН ХУДАЛДАА ҮРГЭЛЖИЛЖ БАЙНА
ДҮҮРГИЙН ӨСВӨРИЙН ШИРЭЭНИЙ ТЕННИСЧИД ЯЙЗУ ХОТОД АМЖИЛТТАЙ ХАМТАРСАН БЭЛТГЭЛ ХИЙЛЭЭ
ТЕНДЕРИЙН СОНГОН ШАЛГАРУУЛАЛТ ЗАРЛАЖ БАЙНА
ЧИНГЭЛТЭЙ ДҮҮРГИЙН 16 НАСТНУУД “МОНГОЛ УЛСЫН ИРГЭНИЙ АНДГАЙ” ӨРГӨЛӨӨ
