АХМАДЫН ХОККЕЙН АВАРГА ШАЛГАРУУЛАХ ТЭМЦЭЭНД ШАРЫН ГОЛ-1 ТҮРҮҮЛЭВ

Монголын хоккейн холбооны 2025–2026 оны төлөвлөгөөт тэмцээн болох дүүргийн Засаг даргын нэрэмжит +40 насны ангиллын цомын аварга шалгаруулах тэмцээн амжилттай зохион байгуулагдлаа.

Тэмцээнд БРОДЕРС, БУГАНТ, ХАНГАРЬД, ДАРХАН-ЭРЧИМ, ШАРЫН ГОЛ-1, ШАРЫН ГОЛ-2, НОМАДС зэрэг долоон баг өрсөлдөв.

Энэхүү тэмцээний аваргын алтан медаль, цомын эзнээр Дархан-Уул аймгийн Шарын гол сумын шайбатай хоккейн холбооны Б. Мөнхтогтох дасгалжуулагчтай, Д. Батболд ахлагчтай “ШАРЫН ГОЛ-1” баг шалгарлаа.

Мөнгөн медалийн эзнээр Сэлэнгэ аймгийн Ерөө сумын Бугат тосгоны О. Хишигбуян дасгалжуулагчтай, Г. Мөнхтулга ахлагчтай “БУГАНТ” баг,

Хүрэл медалийн эзнээр Чингэлтэй дүүргийн Б. Бадрах эзэнтэй, Н. Очирбат дасгалжуулагчтай, спортын мастер Ж. Хуяг ахлагчтай “БРОДЕРС” баг тус тус шалгарлаа.

ТЭМЦЭЭНИЙ ШИЛДГҮҮД

Шилдэг хамгаалагч – БРОДЕРС багийн 21 дугаартай спортын мастер Д. Эрхэмбаяр

Шилдэг хамгаалагч – БУГАНТ багийн 25 дугаартай спортын мастер Ц. Батсүх

Шилдэг довтлогч – ШАРЫН ГОЛ-1 багийн 19 дугаартай ОУХМ П. Батзаяа

Шилдэг довтлогч – БРОДЕРС багийн 12 дугаартай спортын мастер М. Чинбат

Шилдэг төвийн тоглогч – БУГАНТ багийн 97 дугаартай ОУХМ Г. Тамир

Шилдэг хаалгач – ШАРЫН ГОЛ-1 багийн 01 дугаартай спортын мастер Х. Наранхүү

Тэмцээний хаалтын ажиллагаанд Нийслэлийн Чингэлтэй дүүргийн Засаг даргын орлогч Н. Бямбагэрэл, Чингэлтэй дүүргийн БТСХ-ны спортын албаны дарга Б. Мөнхбаяр нар шагнал гардууллаа.

Шагнал хүртсэн баг тамирчид болон шилдгээр шалгарсан спортистууддаа баяр хүргэж, цаашдын спортын өндөр амжилтыг хүсье.