ДҮҮРГИЙН БОЛОВСРОЛЫН БАЙГУУЛЛАГУУДЫН ДУНД СПОРТ НААДАМ БОЛЛОО

Дүүргийн Боловсролын байгууллагуудын дунд “Спорт наадам–2026” тэмцээн зохион байгуулагдлаа.

Спортын олон төрлөөр хичээллэж, чөлөөт цагийг зөв боловсон өнгөрүүлэх, хамт олны эерэг хандлага, дулаан уур амьсгалыг бүрдүүлэх, багийн спортыг сурталчлан оролцогчдын ур чадварыг дээшлүүлэх, улмаар хамт олны эв нэгдэл, нөхөрлөлийг бэхжүүлж, спортоор тэргүүлэгч багийг шалгаруулах зорилготой “Спорт наадам–2026” тэмцээн боллоо.

Тус тэмцээнд сургуулийн өмнөх боловсрол, ерөнхий боловсролын сургалтын байгууллагын удирдах ажилтан, Насан туршийн боловсролын төв болон дүүргийн Боловсролын хэлтсүүд оролцлоо.

Тэмцээн нь: -волейбол,

-3х3 сагсан бөмбөг,

-хосын теннис,

-дартс,

-шатар,

-буухиа гэсэн нийт зургаан төрлөөр явагдаж, 23 баг хурд хүч, авхаалж самбаа, багаар ажиллах чадвараа сорин өрсөлдлөө.