ТАМГЫН ГАЗРЫН ДАРГЫН МЭНДЧИЛГЭЭ

Эрхэм хүндэт Чингэлтэй дүүргийн иргэд, нийслэл Улаанбаатар хотын эрхэм иргэд ээ, Та бүхний энэ өдрийн амар амгаланг айлтган мэндчилье.

 

Чингэлтэй дүүргийн Засаг даргын Тамгын газар нь төрийн бодлого, шийдвэрийг иргэдэд ойр, хүртээмжтэй, үр дүнтэй хүргэх, иргэн төвтэй төрийн үйлчилгээг төлөвшүүлэх зорилтын хүрээнд үйл ажиллагаагаа тогтвортой хэрэгжүүлэн ажиллаж байна.

 

    Бид дүүргийнхээ урт, дунд хугацааны хөгжлийн бодлоготой уялдуулан иргэдийн амьдрах орчныг сайжруулах, ногоон хөгжлийг дэмжих, агаарын бохирдлыг бууруулах, эрүүл аюулгүй, амар тайван орчныг бүрдүүлэхэд онцгойлон анхаарч, төрийн үйлчилгээний чанар, ил тод байдал, цахим шилжилтийг шат дараатайгаар хэрэгжүүлж байна.

Мөн иргэдийн оролцоог нэмэгдүүлж, санал хүсэлтийг бодлого, шийдвэр гаргалтад тусгах, дүүргийн тохижилт, үйлчилгээ, өдөр тутмын үйл ажиллагааг сайжруулахад иргэн бүрийн дуу хоолой чухал гэдгийг онцлон ажилласаар байна.

Иймд Та бүхэн өөрт тулгамдаж буй асуудал, санал хүсэлтээ манай вэбсайтын “Санал хүсэлт” хэсгээр дамжуулан илгээж, хамтдаа дүүргийнхээ хөгжилд хувь нэмрээ оруулна гэдэгт итгэлтэй байна. Иргэн Таны ирүүлсэн санал, хүсэлтийг бид шуурхай, бодитойгоор судалж, шийдвэрлэн ажиллах болно.

Хамтын оролцоо, хариуцлагатай засаглалын үр дүнд Чингэлтэй дүүрэг маань илүү хөгжинө гэдэгт итгэл дүүрэн байна.