ЧИНГЭЛТЭЙ ДҮҮРГЭЭС ХОЁРДУГААР САРЫГ “ЖЕНДЭРИЙН ЭРХ ТЭГШ БАЙДЛЫГ ЭРЧИМЖҮҮЛЭХ САР” БОЛГОН ЗАРЛАЛАА

Чингэлтэй дүүргээс жендэрийн эрх тэгш байдлыг хангах үйл ажиллагааг эрчимжүүлэх зорилгоор 2026 оны 2 дугаар сарыг “Жендэрийн эрх тэгш байдлыг эрчимжүүлэх сар” болгон зарлалаа.

Жендэрийн эрх тэгш байдал гэдэг нь эрэгтэй, эмэгтэй хүн улс төр, эрх зүй, эдийн засаг, нийгэм, соёлын болон гэр бүлийн харилцаанд тэгш эрхтэй оролцож, хөгжлийн үр шимийг тэгш хүртэн, нийгмийн хөгжилд эрх тэгш хувь нэмэр оруулснаар жендэрийн ялгаварлан гадуурхалтаас ангид байх тухай ойлголт юм.

Чингэлтэй дүүрэг нь “Жендэрийн эрх тэгш байдлыг эрчимжүүлэх сар”-ын хүрээнд:

- Дүүргийн Жендэрийн салбар хорооны үйл ажиллагааг эрчимжүүлэх

- Жендэрийн статистик, бодит мэдээлэлд суурилсан дүн шинжилгээг хийх

- Албан хаагчдын жендэрийн мэдлэг, ойлголт, ур чадварыг нэмэгдүүлэх

- Иргэд, олон нийтэд чиглэсэн олон талт арга хэмжээг зохион байгуулах

- Төрийн бус байгууллага, иргэний нийгмийн байгууллагуудтай хамтран ажиллах

Жендэрт суурилсан ялгаварлан гадуурхалт, хүчирхийллээс урьдчилан сэргийлэх, эмэгтэйчүүд, эрэгтэйчүүдийн оролцоо, боломжийг тэнцвэржүүлэх чиглэлээр бодит үр дүн бүхий ажлуудыг төлөвлөн хэрэгжүүлэхээр зорьж байна.

Иймд иргэд, аж ахуйн нэгж байгууллага, төрийн болон төрийн бус, иргэний нийгмийн байгууллагууд, хамтран ажиллагч та бүхнийг жендэрийн эрх тэгш байдлыг хангах үйлсэд идэвхтэй оролцож, хамтран ажиллахыг уриалж байна.