''ӨВЧТӨН , НИЙГМИЙН ТӨЛӨЛЛИЙН ЗӨВЛӨЛ ЭЛЭГ БҮТЭН МОНГОЛ'' НҮТББ-ЫН ТӨЛӨӨЛӨЛТЭЙ УУЛЗАЛТ ЗОХИОН БАЙГУУЛЛАА

“Өвчтөн , Нийгмийн төлөөллийн зөвлөл элэг бүтэн монгол ” НҮТББ-ын төлөөлөлтэй уулзалт зохион байгууллаа

Монгол Улсын Их Хурлын 2016 оны 45 дугаар тогтоолоор батлагдсан “Элэг бүтэн Монгол” үндэсний хөтөлбөр, Монгол улс Дэлхийн хепатитийн өдрийг тэмдэглэж эхэлсний 10 жилийн ой тохиож байгаатай холбогдуулан Халдварт өвчин судлалын Үндэсний төвөөс Дэлхийн хепатитийн өдрийг угтсан 2 сарын хугацаатай аян зарласан юм.

Аяны хүрээнд “Өвчтөн, нийгмийн төлөөллийн зөвлөл Элэг бүтэн Монгол” НҮТББ-ын төлөөлөлтэй уулзах уулзалтыг өнөөдөр зохион байгуулсан ба уулзалтад “Өвчтөн, нийгмийн төлөөллийн зөвлөл Элэг бүтэн Монгол” НҮТББ-ын Удирдах зөвлөлийн дарга Х.Сайханцэцэг, Засаг даргын Тамгын газрын Нийгмийн хөгжлийн хэлтсийн дарга Л.Баярмаа, Чингэлтэй нэгдсэн эмнэлгийн Нийгмийн эрүүл мэндийн тусламж үйлчилгээ хариуцсан дэд захирал Т.Нямжав, Хөдөлмөр халамжийн үйлчилгээний газрын Нийгмийн халамжийн хэлтсийн дарга Т.Түвшинжаргал, 1-24 дүгээр хороодын Засаг дарга нар, Өрхийн эрүүл мэндийн төвийн дарга нар оролцлоо.

Уулзалтаар аяны хүрээнд хийж хэрэгжүүлэх ажлуудыг эрчимжүүлэхэд хороод болон эрүүл мэндийн байгууллагууд анхаарах, мөн Хепатитийн вирусын халдварыг эрт илрүүлж, эмчлүүлэхийн ач холбогдол, үр дүнгийн талаар мэргэжлийн байгууллагаас танилцуулсан юм.

#ЧингэлтэйнМэдээ #ЧингэлтэйДүүрэг