Онцгой байдлын Ерөнхий газар, Боловсролын ерөнхий газар, Гэр бүл хүүхэд, залуучуудын хөгжлийн газар, Монголын Улаанзагалмайн нийгэмлэг, Дэлхийн зөн Монгол Олон Улсын байгууллагын үндэсний захирал нарын хамтран баталсан “Өсвөрийн аврагч-2023” тэмцээн зохион байгуулах удирдамжийн дагуу дүүргийн аварга шалгаруулах тэмцээнийг Хайрхан хөгжлийн төвийн “Хөл бөмбөгийн талбай”-д дүүргийн Онцгой байдлын хэлтэс, Боловсролын хэлтэс, Хүүхэд, гэр бүл, залуучуудын хөгжлийн хэлтэс, Улаан загалмайн хороо хамтран зохион байгууллаа.
 
Тус тэмцээнд дүүргийн ерөнхий боловсролын 12 сургуулийн 84 баг тамирчдын ахлах ангийн сурагчдын дунд аюулгүй амьдрах ухаан, мэдлэг эзэмшүүлэх, гамшгийн үед нэрвэгдэгсдийг аврах, өөртөө болон бусдад анхны тусламж үзүүлэхэд сургаж дадлагажуулах зорилгоор 5 үе шаттайгаар зохион явууллаа. “Өсвөрийн аврагч-2023” дүүргийн аварга шалгаруулах анхдугаар тэмцээнд 12 багийн 84 тамирчин хурд хүч, авхаалж самбаагаа сорин өрсөлдсөнөөс:
 
– Тэргүүн байрыг Ерөнхий боловсролын 23 дугаар сургууль – Өргөмжлөл, Нийслэлийн аварга шалгаруулах тэмцээнд оролцох эрх,
– Хоёрдугаар байрыг Ерөнхий боловсролын 57 дугаар сургууль-Өргөмжлөл
- Гутгаар байрыг Ерөнхий боловсролын 72 дүгээр сургууль-Өргөмжлөл
–Тусгай байрыг Ерөнхий боловсролын 5 дугаар сургууль-Өргөмжлөлийг дүүргийн Онцгой байдлын хэлтсийн орлогч, хошууч Б.Амандых, “Хайрхан хөгжлийн төв” ОНӨТҮГазрын дарга Б.Дэлгэрбат, Ерөнхий боловсролын 37 дугаар сургуулийн захирал З.Тунгалаг, 149 дүгээр сургуулийн захирал Э.Пүрэвсүрэн нар гардуулан өгч, баг тамирчдад амжилт хүслээ.