УДИРДАХ АЖИЛТНЫ ШУУРХАЙ ЗӨВЛӨГӨӨН БОЛЛОО

✅Дүүргийн удирдах ажилтны ээлжит шуурхай зөвлөгөөн болж дүүргийн Засаг даргын орлогч  З.Бямбажав удирдан явууллаа.

Зөвлөгөөний эхэнд өмнөх хуралдаанаар өгсөн үүрэг даалгаврын биелэлтийг Хяналт, шинжилгээ үнэлгээний хэлтсийн дарга Э.Буян-Өлзий танилцууллаа.

Дүүргийн удирдах ажилтнуудын шуурхай зөвлөгөөнөөр нийт удирдлагуудад дараах үүрэг даалгаврыг өглөө.

-Нийслэлийн Чингэлтэй дүүргийн Иргэдийн Төлөөлөгчдийн Хурлын 2024 оны 07 дугаар тогтоолоор батлагдсан “Чингэлтэй дүүргийн Засаг даргын 2024-2028 оны үйл ажиллагааны хөтөлбөр”-ийн хэрэгжилтийг хангаж ажиллах

-Чингэлтэй дүүргийн Засаг даргын 2025 оны А/06 дугаар захирамжаар 2025 оныг дүүргийн хэмжээнд “Бүтээн байгуулалтыг эрчимжүүлэх жил” болгон зарласан. Зорилтот жилийн хүрээнд байгууллагууд төлөвлөгөөнд тусгасан ажлуудаа бүрэн хэрэгжүүлж ажиллах;

-Дүүргийн Захиргааны байгууллагын эрхлэх асуудлын хүрээнд байгууллага, албан тушаалтанд иргэдээс ирүүлсэн өргөдөл, гомдлын шийдвэрлэлтэд хяналт тавих, үндэслэлтэй бүрэн шийдвэрлэх, шийдвэрлэлтийн дундаж хугацааг 6 хоног болгон бууруулах;

-2025 оны үйл ажиллагааны хүрээнд ажилтан, албан хаагчдын ажлын цаг ашиглалт, харилцаа хандлага, ёс зүйгүй үйлдэлтэй холбоотой иргэдийн өргөдөл гомдол ирж байгаатай холбогдуулан төрийн албан хаагчийн ёс зүйн хэм хэмжээг мөрдүүлж, иргэдтэй харилцах харилцаандаа анхаарч, ёс зүйн зөрчил гаргахгүй байхыг анхааруулж ажиллах

-Байгууллагын албан хэрэг хөтлөлтийн стандарт, бичиг баримтын боловсруулалтад хяналт тавьж, бичиг баримтын нууцлалын асуудалд онцгой анхаарах

-Дүүргийн нутаг дэвсгэрийн гудамж, зам талбайд (50метр) халтиргаа гулгаа үүсэхээс сэргийлж зам талбайн цэвэрлэгээнд анхаарч халтиргаа гулгаагүй байлгахад онцгой анхаарч, хяналт тавин, уриалж ажиллах;

-Шар усны үер, халиа дошин үүсэхээс урьдчилан сэргийлэх, сэрэмжлүүлэх, зөвлөмж, мэдээ мэдээллийг олон нийтийн сүлжээнд мэдээлэх, иргэдэд түүний мэдлэгийг олгоход анхаарч ажиллах;

-Хороодын нутаг дэвсгэрт байрлуулсан камержуулалтын хэвийн үйл ажиллагааг хангах, ажиллагаагүй болсон камеруудыг ажиллагаанд оруулах, хороо тус бүрээр камерын мэдээг гаргаж танилцуулах;

-Томуу, томуу төст өвчний дэгдэлт ихсэж байгаатай холбогдуулан бага насны хүүхдийн дархлаажуулалтыг сайжруулах, өвчлөлөөс урьдчилан сэргийлэх ажлуудыг зохион байгуулах, эрүүл мэндийн үйлчилгээний чанар хүртээмжийг сайжруулахад тогтмол анхаарч ажиллах;

-Ерөнхий боловсролын сургуулийн I улирлын амралт дуусаж, II улирлын хичээл эхлэх болсонтой холбогдуулан сурагчдын аюулгүй байдлыг хангах, ханиад томуу, халдварт болон халдварт бус өвчинд өртөхөөс урьдчилан сэргийлэх, сургууль, цэцэрлэгийн цэвэрлэгээ үйлчилгээ, ариутгал халдваргүйжүүлэлтэд анхаарч ажиллах;

-Сар шинийн баярын өдрүүд ойртож байгаатай холбогдуулан гэмт хэрэг, зөрчлийн тоог нэмэгдүүлэхгүй байхад анхаарч, халаасны хулгай болон хулгайн гэмт хэрэг гаргахгүй байхад онцгой анхаарч, Замын хөдөлгөөний аюулгүй байдлыг хангах, замын ачааллыг тэнцвэржүүлэхэд анхаарч ажиллах;

-Гал түймрийн осол, Угаарын хийн хордлогоос урьдчилан сэргийлэх чиглэлээр анхааруулга, зөвлөмжийг тогтмол өгч ажиллахыг холбогдох албаныханд үүрэг болголоо.