Энэ сарын 17-ноос эхлэн дүүргийн сурагчдыг усан спортын анхан шатны сургалтад хамруулна. 2025 оны эхний хагас жилийн хугацаанд нийт 19 сургуулийн 800 хүүхэд буюу нэг сард 4 сургуулийн тус бүр 50 хүүхдийг хамруулахаар төлөвлөж байна. Усан бассейнд хичээллэх сурагчдыг эхлээд танхимд онолын мэдлэг өгч, 2 дугаар сарын 12-15 хооронд эрүүл мэндийн шинжилгээнд хамруулах ажлын бэлтгэлийг хангаад байна.

Тухайн ээлжийн сургуулийн биеийн тамирын багш хүүхдүүдийн аюулгүй байдлыг хангах тул энэ 7 хоногт тус багш нарыг дадлагажуулах сургалтад хамруулах юм. Эхний ээлжийн хүүхдүүд 2 сарын 18-наас 6 сарын 8-ны хооронд хичээллээд, дараагийн ээлжийн 800 хүүхэд ирэх есдүгээр сараас хичээлд хамрагдаж эхэлнэ.