Төлөвлөлт, гүйцэтгэлийн удирдлагын хэлтэс

ЗОРИЛГО

Монгол Улсын тогтвортой хөгжлийн үзэл баримтлал, урт хугацааны хөгжлийн бодлого “Алсын хараа-2050” бодлогын баримт бичиг болон бусад хууль, журам, бодлогын баримт бичигтэй уялдуулан дүүргийн хөгжлийн бодлогыг төлөвлөх, Засгийн газар, нийслэлээс хэрэгжүүлж буй төлөвлөлт, хөрөнгө оруулалтын бодлогын чиг үүргийг хэрэгжүүлэхэд оршино.

ЗОРИЛТ

Хөгжлийн бодлого, төлөвлөлт, түүний удирдлагын тухай хуулийн хэрэгжилтийг хангах хүрээнд дүүргийн Засаг даргын үйл ажиллагааны хөтөлбөрийг хэрэгжүүлэх арга хэмжээний төлөвлөгөө болон хөрөнгө оруулалтын төлөвлөлтийг боловсруулж, хөгжлийн бодлогын уялдааг хангах зорилттой ажиллаж байна.

ЧИГ ҮҮРЭГ

• Монгол улсын Хөгжлийн бодлого, төлөвлөлт, түүний удирдлагын тухай хуулийн хүрээнд дүүргийн чиг үүрэгт хамаарах асуудлаар төлөвлөлт гаргаж, хэрэгжилтийг хангуулж, тайлан биелэлт, үр дүнг нэгтгэж холбогдох газарт хүргүүлэн ажиллана;
• 11.1.2.Улс, нийслэл, дүүргийн хөрөнгө оруулалт, төсөл арга хэмжээг төлөвлөхдөө дүүргийн иргэд, олон нийт, харьяа хэлтэс, албадын санал санаачилгыг тусган төлөвлөж, ач холбогдлоор нь эрэмбэлэн, төсвийн төсөлд тусгах ажлыг зохион байгуулж, хэрэгжилтийг хангаж ажиллана;
• 11.1.3.Орон нутгийн хөгжлийн сангийн хөрөнгөөр хэрэгжүүлэх хөрөнгө оруулалт, бүтээн байгуулалтын төсөл хөтөлбөрийг журмын дагуу иргэдийн оролцоог ханган төлөвлөн ажиллана;
• 11.1.4.Дүүргийн нийгэм, эдийн засаг, хөрөнгө оруулалтын чиглэлээр судалгаа хийж, мэдээллийн санг бүрдүүлэх, систем болгож хөгжүүлэн ажиллана.
• 11.1.5.“Хотын хөгжлийн индекс”-ийн дүүргийн хэмжээн дэх шалгуур үзүүлэлтийн тоон мэдээллийг нэгтгэн гаргаж ажиллана;
• 11.1.6.Гэр хорооллын дахин төлөвлөлт, ашиглалтын шаардлага хангахгүй нийтийн зориулалттай орон сууцны дахин төлөвлөлтийн асуудлаар холбогдох байгууллагуудтай хамтран ажиллан нэгдсэн бүртгэл мэдээллийн сан үүсгэж ажиллана;
• 11.1.7.Засаг даргын үйл ажиллагааны хөтөлбөрийн хэрэгжилтийг нэгтгэн боловсруулж, дүүргийн Иргэдийн Төлөөлөгчдийн Хурлаар хэлэлцүүлэн үнэлэлт, дүгнэлт авч, холбогдох арга хэмжээг зохион байгуулан хэрэгжүүлнэ;