Санхүү, төрийн сангийн хэлтэс

ТАНИЛЦУУЛГА

ЗОРИЛГО: Санхүү, төсвийн тогтвортой байдлыг хангаж, ил тод нээлттэй, санхүүгийн зөрчилгүй дүүрэг болох.

ЗОРИЛТ: Дүүргийн нийгэм эдийн засгийн зорилтыг ханган биелүүлэхэд төсөв, санхүүгийн зохистой харьцааг бий болгож, төрийн үйлчилгээг шуурхай хүртээмжтэй хүргэх, хөрөнгө оруулалтын үр ашгийг нэмэгдүүлэх, төсвийн болон аж ахуйн нэгж байгууллагуудын нягтлан бодох бүртгэл хөтлөлт, санхүү бүртгэлийн ажилтнуудын мэдлэг боловсролыг дээшлүүлэх ажлыг зохион байгуулах.

ЧИГ ҮҮРЭГ:

• Төсвийн хэрэгжилтийг зохион байгуулах, түүнд хяналт тавих;
• Төсвийн орлого, зарлагын өдөр тутмын гүйлгээг хийх;
• Төсвийн хяналтыг зардлын бүлэглэсэн дүнгээр хэрэгжүүлэх;
• Төсвийн зарлагын төлбөрийн дарааллыг тогтоох;
• Төсвийн 78 байгууллагын 222 дансны гүйлгээг цахим системээр хэрэгжүүлж хяналт тавих;
• Төсвийг бараа, ажил, үйлчилгээ худалдан авах гэрээний бүртгэл болон төлбөрийн даалгавартай харьцуулж төлбөрийн амлалтыг бүртгэх;
• Төсвийн орлого, зарлага, хөрөнгө, өр төлбөрийг Нягтлан бодох бүртгэлийн тухай хуулийн дагуу холбогдох дансанд бүртгэх, тайлагнах;
• Төсвийн сар, улирлын хуваарьт үндэслэн төсвийн байгууллагын бүртгэлийн дансанд санхүүжилтийн болон зарцуулалтын эрх олгох.

ҮЙЛЧИЛГЭЭ:

1. Төсвийн ерөнхийлөн захирагчийн төсвийн төсөл, тодотголын төслийг боловсруулах, хэлэлцүүлэх, батлуулах, төсвийн гүйцэтгэлийг хэрэгжүүлэх,
2. Жилийн батлагдсан төсөв, ирэх оны төсвийн төслийг хуулийн хугацаанд дүүргийн цахим хуудас болон мэдээллийн самбарт ойлгомжтой байдлаар байршуулж мэдээллийн ил тод байдлыг ханган ажиллах;
3. Тухайн жилийн сар бүрийн зарцуулалтын эрхийн баталгаа ЗЭБ-3 маягтын дагуу дүүргийн орон нутгийн болон тусгай шилжүүлгийн байгууллагын санхүүжилт олгох,
4. Дүүргийн харьяалалтай ААН болон Төсөвт байгууллагуудын хагас бүтэн жилээрх тайланг E-Балансанд тайлагнасныг шалгаж хүлээн авах, ААН болон ББСБ бусад аж ахуйн нэгжүүдийн завсарын тайлан, татан буугдах тайланг хүлээн авч баталгаажуулах,
5. Дүүргийн хөрөнгө оруулалт, орон нутгийн хөгжлийн сангийн хөрөнгөөр шинээр хэрэгжиж байгаа болон он дамжин санхүүжигдэх төсөл, арга хэмжээний уялдааг ханган, санхүүжилтийг олгож, гүйцэтгэлийг хянан удирдлагыг мэдээллээр хангах,
6. Дүүргийн хэмжээнд хэрэгжүүлж буй төсөл арга хэмжээний гүйцэтгэлд хяналт тавин байнгын ашиглалтад хүлээн авах комиссын ажлын нарийн бичгээр ажиллаж тухай бүрт комиссыг товлон ажиллуулах, гүйцэтгэлд хяналт тавин үүрэг даалгаврын биелэлтээр ашиглалтад хүлээн авах, санхүүгийн баримт бичгүүдийн бүрдлийг хангуулан бүрдүүлж хариуцсан мэргэжилтэнд хүлээлгэн өгч санхүүжилтийг олгуулах,
7. Системд төсвийн байгууллагын орлого болон залруулгын гүйлгээг бүртгэх,
8. Татварын хэлтсээс ирүүлсэн иргэн, аж ахуйн нэгжийн улсын тэмдэгтийн буцаан олголт, залруулгын гүйлгээг хийж гүйцэтгэх;
9. Төсөвт байгууллагуудын орлого, зарлага, хөрөнгө оруулалтын өдөр тутмын төлбөр тооцоог батлагдсан төсөв, санхүүжилт, зарцуулалтын эрхийг үндэслэн Төрийн сангийн удирдлагын цахим системээр анхан шатны баримтын иж бүрдлийн дагуу мэдээллийн нууцыг хадгалж, түргэн шуурхай, үнэн зөв хянаж, баталгаажуулан Төв төрийн санд дамжуулан гүйцэтгэнэ.