“ТӨГСӨЛТИЙН АРГАЧЛАЛ” ТУРШИЛТЫН ХӨТӨЛБӨРИЙН ТАЙЛАНТ ӨДӨРЛӨГ БОЛЛОО

Төгсөлтийн аргачлалаар хэрэгжүүлэх туршилтын хөтөлбөр”-ийн тайлант өдөрлөг зохион байгуулагдлаа. Тайлант өдөрлөгийг дүүргийн Засаг даргын зөвлөх Д.Уянга, Азийн хөгжлийн банкны санхүүжилттэй "Цар тахлын үед хариу арга хэмжээ авах нийгмийн хамгааллын төсөл" II-ийн "Төгсөлтийн аргачлал” туршилтын хөтөлбөрийн зохицуулагч Болормаа нар нээж, үг хэллээ.

Нийгмийн халамжийн бодлогын шинэчлэлийн хүрээнд зорилтот өрхийг чадавхжуулах, амьжиргааг дэмжихэд чиглэсэн үйлчилгээг бий болгохоор олон төсөл, хөтөлбөрийг амжилттай хэрэгжүүлж байгаагийн нэг нь Азийн хөгжлийн банкны “Цар тахлын үед хариу арга хэмжээ авах нийгмийн хамгааллын төсөл 2”-ын санхүүжилтээр хэрэгжсэн “Төгсөлтийн аргачлалаар хэрэгжүүлэх туршилтын хөтөлбөр” юм.

“Төгсөлтийн аргачлалаар хэрэгжүүлэх туршилтын хөтөлбөр”-ийг Чингэлтэй дүүрэгт 2022 оны 6 дугаар сараас эхлэн хэрэгжүүлж, төсөлд хамрагдах өрх, иргэдийг санамсаргүй түүврийн аргаар 207 өрх хамрагдсан бөгөөд өрх бүрийн сонгосон бизнест тохируулан тус бүр 1.5 сая төгрөгийн үнэ бүхий тоног төхөөрөмж, багаж хэрэгслийн дэмжлэг үзүүлсэн.

Гэр бүл, хөдөлмөр, нийгмийн хамгааллын яам, Монголын Улаан загалмайн нийгэмлэгтэй хамтран Чингэлтэй дүүрэгт хэрэгжүүлсэн тус төсөл Чингэлтэй дүүрэгт 3 жилийн хугацаатай хэрэгжээд дуусаж байна. 3 жилийн хугацаанд төсөлд хамрагдсан өрхүүд маань өөрсдийн сонгосон бизнесийн чиглэлээр аж ахуй эрхэлж, өрхийн орлогоо нэмэгдүүлэн, цаашид тогтвортой амьжиргаанд хүрэх боломж бүрдсэн.

Өнөөдөр төслийн хаалтын тайлант өдөрлөгийг амжилттай зохион байгуулж, жижиг дунд үйлдвэрлэл эрхлэх, бизнесээ өргөжүүлэх нөхцөл боломжуудын талаар мэдээлэл өгч идэвхжүүлж ажиллалаа.