ЧИНГЭЛТЭЙ ДҮҮРГИЙН ЗАСАГ ДАРГЫН ТАМГЫН ГАЗРЫН ҮЙЛ АЖИЛЛГААНЫ СТРАТЕГИ ТӨЛӨВЛӨГӨӨ ~ Нийслэлийн Чингэлтэй дүүрэг

177

Чингэлтэй дүүргийн Засаг даргын тамгын газрын орчны шинжилгээний үр дүнгээр тамгын газар нь “Хөгжлийн стратеги”-ийг баримтлах нь оновчтой байна. Хөгжлийн стратеги нь байгууллагын ерөнхий үйл ажиллагааны үр дүнг хөгжүүлэхэд анхаарч, үйлчилгээний чанарыг сайжруулж, өсөж хөгжих, төрөөс баримталж буй бодлого, шийдвэрийг хэрэгжүүлж ажиллахыг шаарддаг. Өөрөөр хэлбэл, Тамгын газар нь хөгжлийн стратегийн хүрээнд сул талаа бууруулж, боломжийг нэмэгдүүлэх, давуу талдаа тулгуурлан эрсдэлд өртөхгүй байхаар зорилго, үйл ажиллагаагаа төлөвлөж ажиллах юм.

Иймд Тамгын газрын орчны шинжилгээний үр дүнг тус байгууллагын цаашдын хөгжлийн стратегийг тодорхойлох үндэслэл болгов. Ингэхдээ Тамгын газрын мандатын хүрээнд стратегийн зорилгыг тодорхойлсон. Учир нь төрийн байгууллагын хувьд хуулиар олгогдсон чиг үүргээсээ давсан стратегийн зорилгыг тодорхойлсон тохиолдолд тухайн байгууллага уг стратегийн зорилгыг хэрэгжүүлэх боломж бүрдэхгүй юм.

Чингэлтэй дүүргийн Засаг даргын тамгын газрын 2023-2024 оны стратеги төлөвлөгөөний хүрээнд дараах стратегийн зорилгыг дэвшүүлэв. Үүнд:

Стратегийн зорилго 1:	Нотолгоонд үндэслэсэн бодлого, шийдвэрийн боловсруулалт, төлөвлөлтөөр холбогдогч талуудыг хангаж хэвшинэ.
Стратегийн зорилго 2:	Бодлого, шийдвэрүүдийн уялдааг хангасан зохицуулалтаар холбогдогч талуудыг хангана.
Стратегийн зорилго 3:	Хяналт-шинжилгээний үр дүнд тулгуурлан бодлого, шийдвэрийн төлөвлөлт, зохицуулалтыг хийж хэвшинэ.
Стратегийн зорилго 4:	Бодлого, шийдвэрийн үнэлгээний бие даасан, найдвартай байдлыг хангаж, хэрэглээг нэмэгдүүлнэ.
Стратегийн зорилго 5:	Зөв хандлага, бүтээмж өндөртэй хүний нөөцийг бүрдүүлнэ.

Эх сурвалж: Төлөвлөлт, гүйцэтгэлийн удирдлагын хэлтсийн Засаг даргын үйл ажиллагааны хөтөлбөр хариуцсан мэргэжилтэн Н.Номинцацралт

Холбоо барих: 95555223

И-мэйл: nomintsatsralt@chingeltei.gov.mn

ЧИНГЭЛТЭЙ ДҮҮРГИЙН ЗАСАГ ДАРГЫН ТАМГЫН ГАЗРЫН ҮЙЛ АЖИЛЛГААНЫ СТРАТЕГИ ТӨЛӨВЛӨГӨӨ

Шинэ мэдээ

Фото мэдээ