Өвлийн улиралд сургалтын орчинд анги танхимын цонх онгойлгож агаар сэлгэх боломж хязгаарлагддаг. Үүнтэй холбоотойгоор анги доторх агаарын чанар муудаж, хүүхдүүдийн эрүүл мэндэд сөргөөр нөлөөлөх асуудал тулгамдаж байна.
Ийм нөхцөлд дотор агаарын чанарыг сайжруулах, эрүүл, тав тухтай орчин бүрдүүлэх зорилгоор Чингэлтэй дүүргийн 83, 124 дүгээр цэцэрлэгийн нийт дөрвөн ангид орчин үеийн ухаалаг агаар сэлгэлтийн төхөөрөмж суурилуулахаар боллоо. Тодруулбал нийгмийн хариуцлагын хүрээнд “Бөх Тулга констракшн” ХХК-ийн захирал Б.Анхтуяатай санамж бичиг байгууллаа.
Зорилтот ажлын хүрээнд 83, 124 дүгээр цэцэрлэгт E-vipo брэндийн агаар сэлгэлтийн төхөөрөмж суурилуулна. Энэхүү төхөөрөмж нь:
-анги доторх агаарын чанарыг тав хүртэл өнгөөр ялган харуулдаг ухаалаг дэлгэцтэй,
-гар утсаар алсаас хянах, тохиргоо хийх боломжтой,
халуунд сэрүүцүүлэх, хүйтэнд дулаан агаар сэлгэх зэрэг олон үйлдэлтэй сүүлийн үеийн дэвшилтэт технологид суурилсан шийдэл юм.
Өнгөрсөн өвөл дүүргийн 173 дугаар цэцэрлэгт хоёр долоо хоногийн турш дотор орчны агаарын чанарыг хэмжиж үзэхэд PM2.5 тоосонцор болон агаарын чийгшлийн түвшин өндөр гарч, анги дотор агаарын солилцоо хангалтгүй байгааг илрүүлсэн.
Цаашид дүүргийн хэмжээнд барилгын гадна фасадны дулаалгатай хамтатган дотор орчны агаарын чанарыг сайжруулах, агаар сэлгэлтийн системийн шийдлийг үе шаттайгаар хэрэгжүүлэхэд анхаарч ажиллахаа Засаг дарга Н.Мандуул онцоллоо.
“АМАР БАЙНА УУ” ЦАГААН САРЫН ҮЗЭСГЭЛЭН ХУДАЛДАА ҮРГЭЛЖИЛЖ БАЙНА
ДҮҮРГИЙН ӨСВӨРИЙН ШИРЭЭНИЙ ТЕННИСЧИД ЯЙЗУ ХОТОД АМЖИЛТТАЙ ХАМТАРСАН БЭЛТГЭЛ ХИЙЛЭЭ
ТЕНДЕРИЙН СОНГОН ШАЛГАРУУЛАЛТ ЗАРЛАЖ БАЙНА
ЧИНГЭЛТЭЙ ДҮҮРГИЙН 16 НАСТНУУД “МОНГОЛ УЛСЫН ИРГЭНИЙ АНДГАЙ” ӨРГӨЛӨӨ
