“БАХАРХАЛТ МОНГОЛ ХЭЛ, БИЧИГ”-ИЙН УРАЛДААНЫ ШАГНАЛ ГАРДУУЛЛАА.

 

Монголын орчин үеийн утга зохиолыг үндэслэгчдийн нэг, XX зууны манлай Монголч эрдэмтэн, Билгүүн номч Бямбын Ренчингийн мэндэлсний 120 насны ойг угтан Монгол Улсын Их Хурлын гишүүн Нацагдоржийн Батсүмбэрэлийн санаачилгаар их эрдэмтний зохиол бүтээлүүдийг хүүхэд, багачуудад сурталчлан таниулах, бахархан дээдлэх үзлийг төлөвшүүлэхэд зорилгоор дүүргийн Ерөнхий боловсролын сургуулиудын дунд зохион байгуулсан “Бахархалт Монгол хэл, бичиг” уралдааныг дүгнэж, шалгаруулалтыг зохион байгууллаа.

Шагналыг дүүргийн иргэдийн Төлөөлөгчдийн Хурлын Төлөөлөгч, Засаг даргын орлогч Н.Бямбагэрэл, иргэдийн Төлөөлөгчдийн Хурлын төлөөлөгч, Соёлын төвийн дарга А.Лхагвадорж, Нийгмийн хөгжлийн хэлтсийн дарга Л.Баярмаа нар гардууллаа.

Шалгаруулалтаар:

Тэргүүн байр: Ерөнхий боловсролын 37 дугаар сургуулийн хамт олон

Дэд байр: Ерөнхий боловсролын 5 дугаар сургуулийн хамт олон

Гутгаар байр: Ерөнхий боловсролын 24 дүгээр сургуулийн хамт олон

Тусгай байр: Ерөнхий боловсролын 57 дугаар сургуулийн хамт олон тус тус шалгарсан бөгөөд оролцсон нийт сургуулиудад Батламж гардууллаа.