Чингэлтэй дүүргийн Иргэдийн Төлөөлөгчдийн Хурлын ээлжит VI хуралдаанаар 2026 оны төсвийг баталж, дэд бүтэц, байгаль орчин, нийгмийн үйлчилгээ, иргэдийн амьжиргааг дэмжих олон чухал ажлыг хэрэгжүүлэхээр төлөвлөлөө.
- Дэд бүтцийн томоохон төслүүд хэрэгжинэ.
Ирэх онд дүүргийн хэмжээнд дэд бүтэц, шугам сүлжээний 12 төсөл, арга хэмжээ хэрэгжинэ. Үүний хүрээнд 14-р хороонд байрлах Эрт илрүүлэг, оношилгооны төв зэрэг 6 барилгыг дулаан хангамжид холбох асуудал бүрэн шийдэгдэнэ.
- Агаар орчны, бохирдлыг бууруулахад манлайлж ажиллана.
“Дулаалга” аяны хүрээнд айл өрхийг дулаалах, цонх хаалганы дулаан алдагдлыг бууруулах, газ борлуулалт, баллон цэнэглэх төв байгуулах, орчны тохижилт хийхээр төлөвлөжээ. Мөн сэргээгдэх эрчим хүчний төслүүд хэлэлцээний шатанд явж байна.
- Хороо бүрд 24 цагийн хогны байцаагч ажиллана.
Хог хаягдлын асуудлыг шийдвэрлэх зорилгоор 2026 онд 24 хогны байцаагч ажиллуулахаар төлөвлөж, хороо бүрд нэг байцаагч ажиллана. Мөн хог хаягдлын хураамжийн тарифыг шинэчилснээр орлого төвлөрүүлэлт нэмэгдэх хүлээлттэй байна.
- Иргэдийн хөдөлмөр эрхлэлтийг нэмэгдүүлэх зорилгоор гарааны бизнесийг дэмжих санхүүжилтийг төсөвт тусгалаа.
- Дугуйн замын бүтээн байгуулалт
2026 онд 3.1 тэрбум төгрөгийн хөрөнгөөр дугуйн зам барихаар төсөвлөсөн. Энэ нь нийслэлийн хэмжээнд 9 дүүргийг тойрог хэлбэртэй дугуйн замаар холбох бодлоготой уялдсан ажил юм.
- Ирэх онд сургууль, цэцэрлэгийн камержуулалтыг нэмэгдүүлж, орчны аюулгүй байдлыг сайжруулна.
ДҮҮРГИЙН ӨСВӨРИЙН ШИРЭЭНИЙ ТЕННИСЧИД ЯЙЗУ ХОТОД АМЖИЛТТАЙ ХАМТАРСАН БЭЛТГЭЛ ХИЙЛЭЭ
ТЕНДЕРИЙН СОНГОН ШАЛГАРУУЛАЛТ ЗАРЛАЖ БАЙНА
ЧИНГЭЛТЭЙ ДҮҮРГИЙН 16 НАСТНУУД “МОНГОЛ УЛСЫН ИРГЭНИЙ АНДГАЙ” ӨРГӨЛӨӨ
Зуслангийн бүсийн автобусны буудлуудад шилэн саравч суурилууллаа
