ЧИНГЭЛТЭЙ ДҮҮРГИЙН УДИРДАХ АЖИЛТНУУДЫН ЭЭЛЖИТ ШУУРХАЙ ЗӨВЛӨГӨӨН БОЛЛОО

Дүүргийн удирдах ажилтнуудын ээлжит шуурхай зөвлөгөөнийг дүүргийн Засаг дарга Н.Мандуул удирдан явууллаа.

Шуурхай зөвлөгөөний үеэр Чингэлтэй дүүрэг 2026 оныг “Инноваци, ногоон хөгжлийг дэмжих жил” болгон зарласныг онцолж, уг бодлогын хүрээнд хэрэгжүүлэх зорилт, арга хэмжээний талаар хэлэлцэв. Мөн дүүргийн хэмжээнд ᠌"Дулаалъя төслийн" хүрээнд хэрэгжиж буй төслүүдийн явцын талаар танилцууллаа.

“Дулаалъя” төслийн хүрээнд:

- Дүүргийн 95 айл өрх сэргээгдэх эрчим хүчээр хэрэглээгээ ханган, төвийн системд нийлүүлэгч боллоо

- Байшин дулаалгын ажил бүрэн дуусаж, айл өрхүүдийг хийн зууханд шилжүүлэх ажил үе шаттайгаар үргэлжилж байна

- Монгол гэрийн ЧИП багцын дулаалгын ажил бүрэн хэрэгжиж дууссан байна

Шуурхай зөвлөгөөний үеэр дүүргийн Засаг дарга Н.Мандуул холбогдох алба хэлтэс, хороодын Засаг дарга нарт дараах үүрэг чиглэлийг өглөө. Үүнд:

- 2026 оны төлөвлөлт, гүйцэтгэлийн ажлын төлөвлөгөөг нарийвчлан боловсруулж, бодит үр дүнд чиглүүлэх

- 7–24 дүгээр хорооны Засаг дарга нар дулаалгад хамрагдсан айл өрхүүдэд хүргэх мэдээлэл, зөвлөмжийг эрчимжүүлж, хийн зуух, нарны панел тараах ажлыг зохион байгуулалтыг сайтар хангах

- Албан хаагчдын ёс зүй, хандлагыг төлөвшүүлэхэд чиглэсэн сургалт, арга хэмжээг тогтмол зохион байгуулах

- Халиа тошин үүссэн бүс нутгуудад яаралтай арга хэмжээ авч, айл өрхүүдийн аюулгүй байдлыг хангах, холбогдох мэдээллийг шуурхай түгээх

- Угаарын хийн хордлогоос урьдчилан сэргийлэх арга хэмжээг эрчимжүүлэх зэрэг чиглэлээр холбогдох алба хэлтэс, хорооны Засаг дарга нарт үүрэг чиглэл өглөө.