“Чингэлтэйн математикчид” түргэн бодолтын анхдугаар олимпиад зохион байгуулагдлаа

Чингэлтэй дүүргийн Засаг даргын Тамгын газар, Чингэлтэй дүүргийн Боловсролын хэлтэс, Нийслэлийн ерөнхий боловсролын 17 дугаар сургуультай хамтран “Чингэлтэйн математикчид” түргэн бодолтын анхдугаар олимпиадыг зохион байгууллаа.

“Чингэлтэйн боловсрол-2028” хөтөлбөрийн хүрээнд зохион байгуулагдсан тус олимпиадад дүүргийн төрийн өмчийн сургуулиудын 3-12 дугаар ангийн 1671 сурагч, 42 багш оюун ухааны хурдаа сорилоо.
Олимпиадын дүнгээр 35 алт, 58 мөнгө, 135 хүрэл медаль гардууллаа.

Багш, сурагчдын нийлбэр оноогоор Т.Нарантуяа захиралтай Нийслэлийн ерөнхий боловсролын 24 дүгээр сургууль “Шилдэг сургууль”-иар шалгарсан.

Математикийн багш нарын олимпиадын дүн:
Алтан медаль-Нийслэлийн ерөнхий боловсролын 5 дугаар сургуулийн багш Р.Дэлгэрмаа
Мөнгөн медаль-Нийслэлийн ерөнхий боловсролын 24 дүгээр сургуулийн багш Б.Цэвээн
Хүрэл медаль-Нийслэлийн ерөнхий боловсролын 5 дугаар сургуулийн багш Л.Даваадорж, Б.Хүрэлмядаг

Бага ангийн багш нарын олимпиадын дүн:
Алтан медаль- Нийслэлийн ерөнхий боловсролын 39 дүгээр сургуулийн багш Бэрцэцэг
Мөнгөн медаль- Нийслэлийн ерөнхий боловсролын 49 дүгээр сургуулийн багш Д.Батмөнх, Нийслэлийн ерөнхий боловсролын 61 дүгээр сургуулийн багш А.Золжаргал
Хүрэл медаль- Нийслэлийн ерөнхий боловсролын 23 дугаар сургуулийн багш Н.Бадамчимэг, Б.Пүрэвдулам, Нийслэлийн ерөнхий боловсролын 24 дүгээр сургуулийн багш С.Батчимэг
Анги тус бүрээс шилдэг багш нарыг тодруулж, мөнгөн шагналаар шагналаа.