ЖҮХ-ны Ажлын алба Чингэлтэй дүүргийн ЗДТГ-т ажиллалаа

Жендэрийн үндэсний хороо нь 2026 оныг орон нутгийн жендэрийн эрх тэгш байдлыг хангах үйл явцыг дэмжих жил болгон ажиллаж байгаа бөгөөд нутгийн захиргааны байгууллагуудын жендэрийн эрх тэгш байдлыг хангах чиглэлээрх үйл ажиллагаатай танилцаж, аргазүйн дэмжлэг үзүүлэн ажиллаж байна.

Энэ хүрээнд Чингэлтэй дүүргийн жендэрийн салбар хороо нь 02 дугаар сарын 25-ны өдөр анхдугаар хуралдаанаа зохион байгууллаа.

Хуралдааныг дүүргийн Засаг даргын Тамгын газрын дарга Ж.Тамир удирдан явууллаа.

тус хуралдаанд ЖҮХАА-ны дарга А.Адилбиш, Орон нутгийн хөгжлийн бодлого зохицуулалт хариуцсан ахлах мэргэжилтэн Б.Цэнд-Аюуш, Архив, бичиг хэрэг, дотоод асуудал хариуцсан мэргэжилтэн Ц.Баясгалан нар оролцов.

Хуралдаанаар дүүргийн жендэрийн салбар хорооны 2025 оны үйл ажиллагааны тайланг танилцуулж, 2026 оны жендэрийн эрх тэгш байдлыг хангах төлөвлөгөөг хэлэлцэж, дүүргийн онцлогийг бодлого төлөвлөлтөд тусгаж жендэрийн мэдрэмжтэй, хариуцлагатай төлөвлөлт, төсөвлөлтийг хийх талаар болон ололт амжилт, цаашид анхаарах асуудлын талаар ярилцаж арга зүйн дэмжлэг үзүүллээ.

Чингэлтэй дүүрэг нь 2 дугаар сарыг Жендэрийн эрх тэгш байдлыг хангах үйл ажиллагааг эрчимжүүлэх сар болгон идэвхтэй ажиллаж байна.