ЧИНГЭЛТЭЙ ,БАЯНЗҮРХ ,CҮХБААТАР ДҮҮРГИЙН АХМАД НАСТНУУДЫН ЧУУЛГА УУЛЗАЛТ ЗОХИОН БАЙГУУЛАГДЛАА

Чингэлтэй, Баянзүрх, Сүхбаатар  дүүргийн ахмад настнуудын чуулга уулзалт зохион байгуулагдлаа

Монгол Улсын Их Хурлын даргын 95 дугаар захирамжаар байгуулагдсан

ажлын хэсэг ахмад настны хөдөлмөр эрхлэлт, тэтгэвэр тэтгэмж, нийгмийн

халамж, ахмад настанд үзүүлэх эрүүл мэнд болон ахмадын цогц тусламж

үйлчилгээний асуудлаар нийслэлийн Баянзүрх, Чингэлтэй, Сүхбаатар дүүргийн албан хаагчид, ахмад настнуудын төлөөлөлтэй уулзах уулзалтыг өнөөдөр зохион байгууллаа.

Уулзалтаар Улсын Их Хурлын гишүүн, ажлын хэсгийн ахлагч С.Эрдэнэбат “Ахмад настанд үзүүлэх нийгмийн хамгаалал, халамж, хөдөлмөр эрхлэлтийн бодлого, хэрэгжилт” сэдвээр, Чингэлтэй дүүргийн Засаг даргын орлогч Н.Бямбагэрэл “Чингэлтэй дүүргээс ахмад настнуудын талаар хийж хэрэгжүүлсэн ажлын танилцуулга” танилцууллаа.

Ажлын хэсэг тэтгэврийн зөрүүг арилгах, зээл, санхүүгийн асуудлыг шийдвэрлэх, ахмадын сан байгуулах, гэрээр асрах сувилах үйлчилгээний чанар хүртээмжийг нэмэгдүүлэхэд анхаарч ажиллахаа илэрхийлж, уулзалтад оролцсон албан хаагчид, ахмад настнуудын санал хүсэлтийг сонсож, хэлэлцүүлэг өрнүүлсэн юм.

#ЧингэлтэйДүүрэг #ЧингэлтэйнМэдээ