“Соёлтой иргэн-2024” арга хэмжээний хүрээнд Чингэлтэй дүүргийн Ерөнхий боловсролын сургуулийн сурагчдын урлагийн боловсролыг дээшлүүлэх, харилцан суралцах, соёл урлаг зан заншлаараа бахархах үзлийг төлөвшүүлэх зорилгоор “Хүүхдийн урлагийн наадам-2023” арга хэмжээг зохион байгуулж дүнгээ гаргалаа.

Энэхүү арга хэмжээг 8-13, 14-18 нас гэсэн 2 насны ангилалд 7 төрлөөр 2023 оны 04-р сарын 14-15-ны өдрүүдэд 50-р сургуулийн урлаг зааланд зохион байгуулсан юм.

Энэ жилийн урлагийн наадмын шилдэг үзүүлбэрүүдээр 2023 оны 04-р сарын 17-нд Улаанбаатар театрт гала тоглолтыг зохион байгуулж шилдгүүдээ шалгарууллаа. Шагналыг Чингэлтэй дүүргийн Засаг даргын Тамгын газрын дарга П.Баянбаатар, Нийгмийг хөгжлийн хэлтсийн дарга Ж.Бадамцэцэг, Боловсролын хэлтсийн дарга А.Очир, Соёлын төвийн дарга А.Лхагвадорж нар гардуулан өглөө.

Чингэлтэй дүүргийн Засаг даргын нэрэмжит цэрэг-спортын “ДӨЛ” тэмцээн боллоо.

Нээлтэд Нийслэлийн Засаг даргын Тамгын газрын Цэргийн штабын дарга Г.Ялалт, Чингэлтэй дүүргийн Засаг даргын Тамгын газрын дарга П.Баянбаатар, Чингэлтэй дүүргийн Цэргийн штабын дарга Н.Энхбат, нийслэлийн Засаг даргын Тамгын газрын Цэргийн штабын Төлөвлөлт, сургалтын офицер С.Энхтайван нар оролцлоо.

Засаг даргын Тамгын газрын дарга П.Баянбаатар “Та бүхний дундаас шалгарсан шилдэг баг тамирчид маань дүүргийнхээ нэрийн өмнөөс 21 аймаг 9 дүүргийн үе тэнгийн шилдгүүдтэй өрсөлдөж амжилттай оролцоно гэдэгт итгэж байна. Эх орны маань ирээдүй болсон та бүхэндээ спортын өндөр амжилт хүсье” гэлээ.

“Дөл” тэмцээнийг Ерөнхий боловсролын сургуулийн ахлах ангийн сурагчдын дунд Монгол Улсынхаа Тусгаар тогтнол, эх орноороо бахархах үзлийг төлөвшүүлэх, цэрэг эх оронч хүмүүжил олгох, тэдэнд бие бялдар, сэтгэл зүйн бэлтгэл, тэвчээр хатуужил олгох, ирээдүйн мэргэжлээ зөв сонгоход дэмжлэг үзүүлэх, Зэвсэгт хүчний залгамж халааг бэлтгэх, Зэвсэгт хүчний үйл ажиллагааг сурталчилж, таниулах зорилгоор зохион байгуулдаг юм.

Тэмцээнд Ерөнхий боловсролын 13 сургуулийн 1690 гаруй сурагч, 160 гаруй цэрэг-сурагчид хурд, хүч, авхаалж самбаа, мэдлэг чадвараа сорин өрсөлдөж байгаа юм.

 Дүүргийн Засаг даргын Тамгын газрын Хүнс, худалдаа үйлчилгээний хэлтэс, нийслэлийн Хотын стандарт, хяналтын газар, дүүргийн Хөдөлмөр халамж үйлчилгээний хэлтэс хамтран иргэдийг эрүүл, аюулгүй орчинд амьдрах эрхийг хангах зорилтын хүрээнд худалдаа, үйлчилгээний байгууллагуудад зориулж мэдээлэл өгч, сургалт хэлэлцүүлэг явууллаа.

Сургалтаар “Нийслэлийн нутаг дэвсгэрт худалдаа үйлчилгээний байгууллагуудын үйл ажиллагаа явуулах цагийн хязгаар”-ын шинэчилсэн төслийг танилцуулж, хөдөлмөрийн аюулгүй байдал, худалдаа үйлчилгээний байгууллагуудын гадна стандартын талаарх мэдээллийг өгөв.

Тус арга хэмжээнд нийслэлийн Засаг даргын 2023 оны “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” А/242 дугаар захирамжийн дагуу үйлчилгээ эрхлэгч 230 иргэн, аж ахуйн нэгж, байгууллага хамрагдлаа.

Чингэлтэй дүүргийн 1-24 дүгээр хороодын төрийн албан хаагчид, хэсгийн ахлагч нартай дүүргийн удирдлагууд хуваарьт уулзалтыг хийж эхэллээ. Уг уулзалт нь дүүргээс 2023 онд хийж хэрэгжүүлж буй үйл ажиллагаа, хөрөнгө оруулалтын ажлуудын талаар танилцуулж ажилтан албан хаагчид, хэсгийн ахлагчдад тулгарч буй хүндрэл бэрхшээлтэй болон ажиллах орчин, нөхцөл байдлын талаар санал солилцох зорилготой юм.

Уулзалтаар дүүргийн Засаг даргын Тамгын газрын дарга П.Баянбаатар, Төрийн захиргааны удирдлагын хэлтсийн дарга Л.Баярмаа, Хүнс худалдаа үйлчилгээний хэлтсийн дарга Л.Булган, Нийгмийн хөгжлийн хэлтсийн дарга Ж.Бадамцэцэг, Боловсролын хэлтсийн дарга А.Очир, Тохижилт, нийтийн аж ахуйн хэлтсийн ахлах мэргэжилтэн Л.Энхбат нар хороо бүрээр явж ажиллаж байгаа юм.

Уулзалтад хороодын Засаг дарга, зохион байгуулагч болон нийгмийн ажилтан, хөдөлмөр халамжийн мэргэжилтэн, улсын бүртгэгч, харьяа сургууль цэцэрлэгийн захирал, эрхлэгч, өрхийн эрүүл мэндийн төвийн дарга нар идэвхтэй оролцож байна.

Уулзалтын хуваарь:

✅04 дүгээр сарын 14ны 10:00 цагт: 18 дугаар хороо /18 дугаар хорооны иргэний танхимд/

✅ 04 дүгээр сарын 14ны 12:00 цагт: 17 дугаар хороо /17 дугаар хорооны иргэний танхимд/

✅ 04 дүгээр сарын 14ны 14:00 цагт: 16 дугаар хороо /16 дугаар хорооны иргэний танхимд/

✅ 04 дүгээр сарын 17ны 10:00 цагт: 15 дугаар хороо /15 дугаар хорооны иргэний танхимд/

✅ 04 дүгээр сарын 17ны 12:00 цагт: 14 дүгээр хороо /14 дүгээр хорооны иргэний танхимд/

✅ 04 дүгээр сарын 17ны 14:00 цагт: 13 дугаар хороо /13 дугаар хорооны иргэний танхимд/

✅ 04 дүгээр сарын 18ны 10:00 цагт: 12 дугаар хороо /12 дугаар хорооны иргэний танхимд/

✅ 04 дүгээр сарын 18ны 12:00 цагт: 11 дүгээр хороо /11 дүгээр хорооны иргэний танхимд/

✅ 04 дүгээр сарын 18ны 14:00 цагт: 10 дугаар хороо /10 дугаар хорооны иргэний танхимд/

✅ 04 дүгээр сарын 19ны 10:00 цагт: 9 дүгээр хороо /9 дүгээр хорооны иргэний танхимд/

✅ 04 дүгээр сарын 19ны 12:00 цагт: 8 дугаар хороо /8 дугаар хорооны иргэний танхимд/

✅ 04 дүгээр сарын 19ны 14:00 цагт: 7 дугаар хороо /7 дугаар хорооны иргэний танхимд/

✅ 04 дүгээр сарын 20ны 10:00 цагт: 6 дугаар хороо /6 дугаар хорооны иргэний танхимд/

✅ 04 дүгээр сарын 20ны 12:00 цагт: 5 дугаар хороо /5 дугаар хорооны иргэний танхимд/

✅ 04 дүгээр сарын 20ны 14:00 цагт: 4 дүгээр хороо /4 дүгээр хорооны иргэний танхимд/

✅ 04 дүгээр сарын 21ны 10:00 цагт: 3 дугаар хороо /3 дугаар хорооны иргэний танхимд/

✅ 04 дүгээр сарын 21ны 12:00 цагт: 2 дугаар хороо /2 дугаар хорооны иргэний танхимд/

✅ 04 дүгээр сарын 21ны 14:00 цагт: 1 дүгээр хороо /1 дүгээр хорооны иргэний танхимд/

Нийслэлийн Засаг даргын Тамгын Цэргийн штабын 2023 оны Хяналт шалгалтын нэгдсэн төлөвлөгөөний дагуу нийслэл, дүүрэгт үйл ажиллагаа явуулж буй 48 байгууллагад батлан хамгаалах хууль тогтоомжийн хэрэгжилт, иргэний цэргийн үүргийн биелэлтийн байдалд шалган туслах ажлыг зохион байгуулахаар  төлөвлөсөн.

Энэхүү ажлын хэрэгжилтийг хангах үүднээс 04 дүгээр сарын 12-ны өдөр тус байгууллагуудын хүний нөөцийн ажилтнуудыг оролцууллаа.

Тус сургалтыг Цэргийн штабын Хуулийн баг хариуцан төрийн болон хувийн хэвшлийн байгууллагуудын Батлан хамгаалах багц хуулиар хүлээсэн үүрэг, тухайн байгууллагад ажиллаж байгаа цэргийн үүрэг хүлээсэн ажилтны хуулийн мэдлэг чадварыг нэмэгдүүлэх,  зорилгоор мэдээлэл олгож харилцан ярилцлагыг зохион байгууллаа.

✅ Нийслэлийн Засаг даргын 2023 оны 03 дугаар сарын 16-ны өдрийн А/242-р захирамжийн хэрэгжилтийг хангах хүрээнд  Чингэлтэй дүүргийн Засаг даргын Тамгын газар хотын стандартыг хэрэгжүүлэх чиглэлээр өргөтгөсөн уулзалт, сургалтыг нийслэлийн Онцгой байдлын газарт зохион байгуулав. 

Иргэдийн эрүүл, аюулгүй, ая тухтай орчныг бүрдүүлэхэд хотын хууль, норм, дүрэм, батлагдсан  стандартын хэрэгжилтийг мөрдүүлэх, судалгаа хийх, мэдээлэлжүүлэх ажлыг эрчимжүүлэх, хэрэгжилтэд хяналт тавих зорилготой уг ажил нийслэлийн хэмжээнд 2023 оны 03-р сарын 16-наас 2023 оны 12-р сарын 16-ныг хүртэл үргэлжлэх юм.

Чингэлтэй дүүргийн хувьд Ажлын хэсгийн ахлагчаар дүүргийн Засаг даргын орлогч Д.Отгонбаатар ажиллаж байна. Ажлын хэсгийн дөрөвдүгээр сарын 12-ны өдрийн хурлаар “Хотын стандарт ба аюулгүй орчин” сэдэвт сургалтыг Хотын стандарт, хяналтын газрын Хотын хяналтын хэлтсийн дарга С.Төмөрдулам, дүүргийн удирдлагууд, ажлын хэсгийн бүрэлдэхүүн, хорооны Засаг дарга, хорооны зохион байгуулагч, олон нийтийн байцаагч нарт зориулан хийж, мэдээлэл өглөө.

Чингэлтэй дүүргийн 30 жилийн ойн хүрээнд дүүргийн удирдлагуудын зүгээс олон талт арга хэмжээг өнгөрсөн жил зохион байгуулж ажилласан билээ.

Өнөөдөр дүүргийн үе үеийн Иргэдийн Төлөөлөгчдийн Хурлын дарга, Засаг дарга, Засаг даргын орлогч, Тамгын газрын дарга болон хороодын Засаг даргаар ажиллаж байсан удирдлагуудыг хүлээн авч уулзлаа.

Монгол Улсын Их Хурлын 1992 оны наймдугаар сарын 18-ны өдрийн 18 дугаар тогтоолоор Улаанбаатар хотын Сүхбаатарын районыг Сүхбаатар, Чингэлтэй гэсэн 2 дүүрэг болгон зохион байгуулахаар шийдвэрлэсний дагуу тус дүүргийн 19 хорооны Иргэдийн нийтийн хурлаас сонгогдсон 95 төлөөлөгч 1992 оны энэ өдөр анхны хуралдаанаа хийж байсан түүхтэй.

Арга хэмжээнд дүүргийн Иргэдийн Төлөөлөгчдийн Хурлы дарга Б.Мөнхбат, Засаг дарга Н.Батсүмбэрэл, зөвлөх Ч.Болормаа нар оролцож дүүргийн үе үеийн удирдлагуудад баяр хүргэж, амжилт хүслээ.

Нийслэлийн Онцгой байдлын газрын тэргүүн дэд даргын баталсан хуваарь, Чингэлтэй дүүргийн Онцгой комиссын даргын 2023 оны “Ой, хээрийн гал түймрээс урьдчилан сэргийлэх, тэмцэх зарим арга хэмжээний тухай” 02 дугаар албан даалгаврын дагуу тус хэлтсийн орлогч, хошууч Б.Амандыхаар ахлуулсан 10 алба хаагч дүүргийн 23 дугаар хороо Зүрх ууланд алба хаагчдын бие бялдрыг чийрэгжүүлэх, идэвхтэй хөдөлгөөн хийх, мөн тухайн байршилд зорчиж буй иргэдэд ой, хээрийн болон шар өвсний гал түймрээс урьдчилан сэргийлэх сэрэмжлүүлэг хүргэн ажиллалаа.

Явган аяллын үеэр Зүрх ууланд явган аялж байсан 147 иргэнд Ой, хээрийн болон шар өвсний гал түймрийн аюулаас урьдчилан сэргийлэх сэрэмжлүүлэг хүргэж заавар зөвлөгөө өглөө гэж Чингэлтэй дүүргийн Онцгой байдлын хэлтсээс мэдээллээ.

Өнөөдөр төвийн бүс, тэр дундаа Улаанбаатар хотод цас орж, цасан шуурга шуурсны улмааc авто замуудад халтиргаа гулгаа ихсэх нөхцөл үүсээд байна.

Үүнтэй холбогдуулан холбогдох газрууд нийтийн эзэмшлийн зам, талбайг цэвэрлэх, мөн зам дээр давс, бодис цацах зэргээр шуурхай арга хэмжээ авч ажиллаж байгаа юм.

Тухайлбал, Чингэлтэй дүүргийн “Чингэлтэй Тохижилт үйлчилгээ” компани тусгай зориулалтын нэг тээврийн хэрэгсэл, 3 хүний бүрэлдэхүүнтэй Өвөр гүнтийн давааны авто замын цасыг түрж,  зорчих хэсэгт халтиргаа гулгаа үүсэхээс сэргийлэх ажлыг хийж байна.

Чингэлтэй дүүргийн Ерөнхий боловсролын 72 дугаар сургуулийн сурагчдын өдөр бүр хөндлөн гардаг засмал замд 152 метр газрыг тусгай хаалтыг барьж замаар зорчих сурагчдын аюулгүй зорчих бололцоог бүрдүүллээ.

Уг тусгай хаалт буюу замын хашлагыг 72 дугаар сургуулийн сурагчдын төлөөлөл, дүүргийн Засаг дарга Н.Батсүмбэрэлд хүсэлт тавьснаар ийнхүү ажил болгон хэрэгжүүлэв.

Сурагчид зам хөндлөн гарахдаа эсрэг тал руу гүйх, хөдөлгөөн багатай үед шууд гарах зэрэг болзошгүй эрсдэлтэй нөхцөл байдал үүсээд байсан юм.

Нийслэлийн Засаг дарга бөгөөд Улаанбаатар хотын Захирагч хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай А/242 тоот захирамж гаргасан. Захирамжаар нийслэлийн хэмжээнд барилга, дэд бүтэц, байгаль орчин, хот нийтийн аж ахуй, худалдаа үйлчилгээний салбарын үйл ажилагааг тус ажлын хүрээнд хамруулан норм, стандартыг мөрдүүлэн ажиллах юм.

Энэхүү хүрээнд Чингэлтэй дүүргийн Засаг дарга Н.Батсүмбэрэл дүүргийнхээ иргэдийн эрүүл, аюулгүй орчинд амьдрах эрхийг хангах, дүүргийн нутаг дэвсгэрт үйл ажиллагаа явуулж буй бүх аж ахуйн нэгж, албан байгууллага, иргэдэд нийслэл хотын стандартыг мөрдүүлэх, хяналт, дүгнэлт хийх зорилгоор Ажлын хэсэг байгууллаа.

Тус ажлын хэсгийн бүрэлдэхүүнд Засаг даргын тамгын газрын бүх хэлтэс, тасаг оролцон энэ оны 12 дугаар сарын 15-ныг дуустал хэрэгжилтийг ханган ажиллах юм. Ажлын хэсгийн хуралдааныг Засаг даргын орлогч Д.Отгонбаатар удирдан явуулж Захирамжийн хүрээнд хийгдэх ажлын төлөвлөгөөг хэлэлцлээ.

Чингэлтэй дүүргийн Засаг даргын Тамгын газрын ажилтан, албан хаагчдын “Мэдээллийн цаг” өнөөдөр боллоо.

Дүүргийн ажилтан, албан хаагчдад чиглэсэн “Мэдээллийн цаг” арга хэмжээ нь 14 хоногт 1 удаа тогтмол зохион байгуулагддаг бөгөөд албан хаагчдын мэдлэг, ур чадварыг дээшлүүлэх, сургаж хөгжүүлэх, ёс зүйн хэмжээг мөрдүүлж, харилцаа хандлагыг сайжруулах зорилготой юм.

Өнөөдрийн Мэдээллийн цагаар Нийгмийн сэтгэлзүйн өөрчлөлт ба боломж сэдвээр “АFА Академ”-ийн сургагч багш Ш.Амартүвшин мэдээлэл өгч ажилласанд талархал илэрхийлье.