Мэдээ мэдээлэл

ДҮҮРГИЙН АХМАДЫН ХОРООНЫ УДИРДАХ ЗӨВЛӨЛИЙН ХУРАЛ БОЛЛОО

Нийслэлийн Чингэлтэй дүүргийн Ахмадын хорооны удирдах зөвлөлийн хурал өнөөдөр боллоо.

Хурлыг Ахмадын хорооны дарга П.Төвсанаа удирдан явуулж, хурлаар Ахмадын хорооны 2022 онд хийж хэрэгжүүлсэн ажлын тайланг танилцуулж, 2023 онд хийх ажлын төлөвлөгөөний төслийг хэлэлцүүлсэн юм.

Нийслэлийн Чингэлтэй дүүрэг 2023 оныг “Үйлдвэрлэлийг дэмжих жил” болгон зарласантай холбогдуулан ахмад настны зөвлөх үйлчилгээг өргөжүүлэх, ахмад настнуудыг үйлдвэрлэл эрхлэхэд нь дэмжлэг үзүүлэх, төсөл хөтөлбөрт хамруулах чиглэлээр хийж хэрэгжүүлэх ажлуудын талаар гишүүд санал солилцлоо.

330212457 685440536654350 4468969062692218161 n

ЧИНГЭЛТЭЙ ДҮҮРГЭЭС НИЙСЛЭЛИЙН ТЭРГҮҮНИЙ ТАРИАЛАНЧ ТОДОРЛОО

Нийслэлийн иргэдийн Төлөөлөгчдийн Хурлын 2009 оны 183 дугаар тогтоолоор баталсан “НИЙСЛЭЛИЙН ТЭРГҮҮНИЙ ТАРИАЛАНЧ” шалгаруулах журмын шалгуур хангасан Чингэлтэй дүүргийн 18 дугаар хорооны иргэн ЖАМБАЛЫН НАЦАГНЯМ "Нийслэлийн тэргүүний тариаланч" хэмээх эрхэм хүндтэй шагнал хүртлээ.

Анх өөрийн сонирхлын дагуу 2007 оноос эхлэн хүнсний ногоо тариалж, АDRA олон улсын байгууллагаас гараагаа эхлэн өдгөө зөвлөх багш, нийслэлийн тэргүүний тариаланч болтлоо хөдөлмөрлөсөн байна.

2015 онд “Эрүүл монгол иргэний төлөө” уриатайгаар зориулалтын тоног төхөөрөмж бүхий хатаасан ногооны цех байгуулж бүтээгдэхүүн үйлдвэрлэн хөгжүүлж ирсэн.

2012-2022 онуудад нийт 11,4 га 174 тонн ургац хураан авч 2000 гаруй иргэнд бүтээгдэхүүний дээжээсээ олгож, төрөл бүрийн сургалтыг үнэ төлбөргүй зааж, дэмжиж ажилладаг. Газар тариалангийн салбарт олон жил тууштай ажилласан танд талархал илэрхийлж, баяр хүргэe.

329364651 946051189717851 1346994571180078590 n

ОРЧНЫ БОХИРДЛЫГ БУУРУУЛАХ ЧИГЛЭЛЭЭР ХАМТРАН АЖИЛЛАНА

Экологийн цагдаагийн албанаас хүрээлэн буй орчны экологийн тэнцвэрт байдлыг алдагдахаас урьдчилан сэргийлэх, энэ төрлийн үйл ажиллагаанд иргэн бүрийн оролцоог нэмэгдүүлэх, эерэг дадал хандлагыг түгээн дэлгэрүүлэх, иргэдийн экологийн боловсролыг нэмэгдүүлэх чиглэлээр олон тал ажлыг хэрэгжүүлж эхэллээ.

Тухайлбал, Олон нийтэд мэдээлэл хүргэх зорилгоор “Орчны бохирдлыг бууруулъя”, угаарын хийн хордлогоос урьдчилан сэргийлэх ажлыг эрчимжүүлэх “Сэрэмжлүүлэг - 2023” арга хэмжээг зохион байгуулж эхлээд байна.

Чингэлтэй дүүргийн Засаг даргын Тамгын газар тус албанаас хэрэгжүүлж буй дээрх ажлуудыг дэмжиж хамтран ажиллахаа илэрхийллээ.

Иргэн та орчны бохирдлыг бууруулахад өөрийн хувь нэмрийг оруулж хөрс шороо, хүрээлэн буй орчноо эрүүл цэвэр байлгахад санаачлагатай байж, хамтран ажиллахыг уриалж байна.

ЧИНГЭЛТЭЙЧҮҮД "НЭГ ДЭЛХИЙ-НЭГ ГЭР БҮЛ" АЯНД НЭГДЛЭЭ

Чингэлтэй дүүргийн Засаг даргын Тамгын газар, газар хөдлөлтийн гамшигт нэрвэгдээд буй Турк Улсын ард иргэдэд туслах Монголын ард түмний “НЭГ ДЭЛХИЙ- НЭГ ГЭР БҮЛ” аянд нэгдлээ.

Төр, Улаан загалмайн хамтын ажиллагааны хүрээнд Чингэлтэй дүүргийн Засаг даргын Тамгын газрын дарга П.Баянбаатар, Цэргийн штабын дарга Н.Энхбат, дүүргийн Улаан загалмайн хорооны дарга Н.Ганчимэг болон бусад албаны хүмүүсийн төлөөлөл аяныг зохион байгуулагчдад өргөө цагаан гэр 3-ыг хандивлаж буйг хүлээлгэн өглөө.

Газар хөдлөлтийн гамшигт өртөөд буй Турк улсын иргэдэд гэр сууц, майхан, хөнжил, гудас, мишок болон дулаан хувцас нэн шаардлагатай байгаа бөгөөд энэхүү аянд нэгдэж хандив өргөхийг аж ахуй нэгж байгууллага, иргэдэд уриалж байна.

БИД "НЭГ ДЭЛХИЙ - НЭГ ГЭР БҮЛ"

ЗҮҮН АЗИЙН ЗАЛУУЧУУДЫН НААДМЫН САЙН ДУРЫН АЖИЛТНЫ БҮРТГЭЛ ЭХЭЛЛЭЭ

Улаанбаатар хотод энэ оны наймдугаар сарын 16-23-нд "Улаанбаатар 2023" Зүүн Азийн залуучуудын наадам болно.

Монгол Улсад анх удаа болох тус спортын наадамд Зүүн Азийн есөн олимпын хорооны 2500 орчим тамирчин 11 спортын төрлөөр өрсөлдөх юм. Үүнтэй холбогдуулан тус наадмын сайн дурын ажилтны бүртгэл эхэллээ.

Сайн дурын ажилтнаар бүртгүүлэгчид дараах шаардлагыг хангасан байна.

- 16 ба түүнээс дээш настай байх. /16-18 насны хүүхдүүд сайн дурын ажилтнаар ажиллах бол эцэг эх, асран хамгаалагчийн зөвшөөрлийг авсан байх/;

- Сайн дурын ажилтнуудад зориулсан сургалт, идэвхжүүлэлтийн ажилд бүрэн хамрагдах боломжтой байх;

- Наадам зохион байгуулах өдрүүдэд хамгийн багадаа өдөрт 6 цаг ажиллах боломжтой байх;

- Ажил үүргээ цаг тухай бүрд нь биелүүлэх хариуцлагатай байх;

- Хариуцаж авсан ажил үүргээ ухамсарлаж, багийн ажлыг орхигдуулахгүй ажиллах чин сэтгэлтэй байх зэрэг нийтлэг шалгуурыг тавьж байна.

Түүнчлэн сайн дурын ажилтны хариуцах ажил үүргээс хамааран гадаад хэлний (Англи, хятад, солонгос, япон) дундаас дээш түвшинтэй байх гэсэн нэмэлт шалгуур тавьж буй юм.

Сайн дурын ажилтны бүртгэлийн линк: https://forms.office.com/r/eVySJwMimk

327915373 1244589052808882 2548984413395019555 n

326772661 937344477397793 1443384783396889203 n

БОЧИ СПОРТЫН ҮНЭ ТӨЛБӨРГҮЙ СУРГАЛТАД ЭЛСЭЛТ АВЧ БАЙНА

Эртний Ромоос үүсэлтэй Бочигийн спорт нь тамирчид ангиллаасаа шалтгаалан өөр өөр хэмжээтэй талбай дээр ганцаарчилсан, багаар, болон холимог багаар хоорондоо тоглодог спорт юм.

Палина гэж нэрлэгдэх цагаан бөмбөгт бусад улаан эсвэл ногоон өнгийн бочи бөмбөгийг хамгийн их ойртуулсан нь хождог, цэвэр тактикийн спортын төрөл юм.

Бочигийн спорт 35 жилийн тэртээгээс тусгай олимпын нэг хэсэг байсан бол 2024 оноос зуны олимпын наадамд албан ёсоор тоглогдохоор болсон байна.

Чингэлтэй дүүргийн иргэд та бүхнийг Бочи спортоор хичээллэхийг урьж байна. Сургалт ҮНЭ ТӨЛБӨРГҮЙ явагдана.

Та бүхэн хамрагдахыг хүсвэл Чингэлтэй дүүргийн Биеийн тамир спорт хорооны 99200148 дугаарын утсаар холбогдоорой.

327353256 1245117296076358 395825374986056997 n

Page 77 of 99

Sidebar

Top Menu

Main Menu