Чингэлтэй дүүргийн Засаг даргын Тамгын газар, газар хөдлөлтийн гамшигт нэрвэгдээд буй Турк Улсын ард иргэдэд туслах Монголын ард түмний “НЭГ ДЭЛХИЙ- НЭГ ГЭР БҮЛ” аянд нэгдлээ.

 

Төр, Улаан загалмайн хамтын ажиллагааны хүрээнд Чингэлтэй дүүргийн Засаг даргын Тамгын газрын дарга П.Баянбаатар, Цэргийн штабын дарга Н.Энхбат, дүүргийн Улаан загалмайн хорооны дарга Н.Ганчимэг болон бусад албаны хүмүүсийн төлөөлөл аяныг зохион байгуулагчдад өргөө цагаан гэр 3-ыг хандивлаж буйг хүлээлгэн өглөө.

 

Газар хөдлөлтийн гамшигт өртөөд буй Турк улсын иргэдэд гэр сууц, майхан, хөнжил, гудас, мишок болон дулаан хувцас нэн шаардлагатай байгаа бөгөөд энэхүү аянд нэгдэж хандив өргөхийг аж ахуй нэгж байгууллага, иргэдэд уриалж байна.

 

БИД "НЭГ ДЭЛХИЙ - НЭГ ГЭР БҮЛ"

 

Эртний Ромоос үүсэлтэй Бочигийн спорт нь тамирчид ангиллаасаа шалтгаалан өөр өөр хэмжээтэй талбай дээр ганцаарчилсан, багаар, болон холимог багаар хоорондоо тоглодог спорт юм.

Палина гэж нэрлэгдэх цагаан бөмбөгт бусад улаан эсвэл ногоон өнгийн бочи бөмбөгийг хамгийн их ойртуулсан нь хождог, цэвэр тактикийн спортын төрөл юм.

 

Бочигийн спорт 35 жилийн тэртээгээс тусгай олимпын нэг хэсэг байсан бол 2024 оноос зуны олимпын наадамд албан ёсоор тоглогдохоор болсон байна.

 

Чингэлтэй дүүргийн иргэд та бүхнийг Бочи спортоор хичээллэхийг урьж байна. Сургалт ҮНЭ ТӨЛБӨРГҮЙ явагдана.

Та бүхэн хамрагдахыг хүсвэл Чингэлтэй дүүргийн Биеийн тамир спорт хорооны 99200148 дугаарын утсаар холбогдоорой.

Чингэлтэй дүүргийн Хөгжлийн бэрхшээлтэй хүний эрхийг хангах салбар зөвлөлийн 2023 оны анхдугаар хуралдаан боллоо. Хурлаар 2023 оны төлөвлөгөөний саналыг хэлэлцүүлэхээр зөвлөлийн дэд тэргүүн бөгөөд дүүргийн Засаг даргын орлогч Д.Отгонбаатар удирдан явууллаа.

 

Хөгжлийн бэрхшээлтэй хүний хөдөлмөр эрхлэлтийг нэмэгдүүлэх, төрийн байгууллага, иргэн, хуулийн этгээд Хөгжлийн бэрхшээлтэй хүний бие эрхтэн, хөгжлийн онцлогт нийцсэн ажлын байрыг Хөдөлмөрийн хуульд заасны дагуу бий болгох, нэмэгдүүлэх, нийгмийн бүхий л харилцаанд оролцохыг дэмжих, дэд бүтэц зам тээвэр, мэдээллийн хүртээмжтэй байдлыг хангахад дүүргийн түвшинд дэмжиж ажиллана. Хөгжлийн бэрхшээлтэй иргэн, хүүхдийн сурч боловсрох, мэргэжил эзэмших нөхцөлийг бүрдүүлэх, тохирох хэрэглэгдэхүүнээр хангаж ажиллах тал дээр анхаарч ажиллах ёстой. Эмнэлгийн тусламж үйлчилгээ үзүүлэхэд шаардагдах орчныг бүрдүүлэх техник, тоног төхөөрөмж, эм эмнэлэг, асаргаа сувилгааны хэрэгсэл, ариун цэвэр-эрүүл ахуйн материалаар хангах ажлыг идэвхжүүлж ажиллахыг Зөвлөлийн дэд тэргүүн, Засаг даргын орлогч Д.Отгонбаатар үүрэг болголоо.

Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, Засаг дарга Н.Батсүмбэрэл, Засаг даргын орлогч Д.Отгонбаатар, ИТХ-ын Зөвлөлийн гишүүд, Төлөөлөгчид, Гамшгийн эрсдэлийг бууруулах Чингэлтэй дүүргийн зөвлөлийн гишүүд болон ЗДТГ-ын дэргэдэх хэлтэс албадын дарга нар дүүргийн Онцгой байдлын хэлтэс, Гал түймэр унтраах, аврах 10 дугаар ангийн шинэ байртай танилцлаа.

 

Мөн Гамшгийн эрсдэлийг бууруулах Чингэлтэй дүүргийн зөвлөлөөс дүүргийн Онцгой байдлын хэлтэс, Гал түймэр унтраах, аврах 10 дугаар ангид ажиллах нөхцлийг сайжруулах зорилгоор иж бүрэн компьютер, ухаалаг сургалтын дэлгэц, яаралтай тусламж үзүүлэх сургалтын хэрэгсэл, зургийн аппарат, анхан шатны тусламжийн иж бүрдэл зэрэг тоног төхөөрөмжүүдийг гардууллаа.

 

Чингэлтэй дүүргийн Онцгой байдлын хэлтэс, Гал түймэр унтраах 10 дугаар анги нь иргэдийн аюулгүй орчин нөхцөлд амьдрах орчин нөхцөлийг бүрдүүлэн гал түймэр, гамшиг ослын дуудлагыг хүлээн авч иргэд, аж ахуйн нэгж байгууллагад гамшгаас хамгаалах төрийн үйлчилгээг хүргэх, гамшиг, аюулт үзэгдэл, гамшгийн аюулаас урьдчилан сэргийлэх, аврах, учирсан хор уршгийг арилгах, хойшлуулшгүй сэргээн босгох арга хэмжээг зохион байгуулж хуулийн өмнө хүлээсэн албан үүргээ гүйцэтгэн ажиллаж байна.