✅Нийслэлийн Чингэлтэй дүүргийн сургуулийн өмнөх боловсролын байгууллагын багш, албан хаагчдын дунд зохион байгуулагдах Засаг даргын нэрэмжит “Спорт наадам-2024” тэмцээнийг спортын 3 төрлөөр зохион байгуулж байна.

Тэмцээний нээлтэд дүүргийн Засаг даргын Тамгын газрын дарга Ж.Лхагвасүрэн, Засаг даргын Тамгын газрын Төрийн захиргааны удирдлагын хэлтсийн дарга Б.Нацагдорж, Нийгмийн хөгжлийн хэлтсийн дарга Л.Баярмаа, Биеийн тамир, спортын хорооны дарга Б.Мөнхбаяр, сургуулийн өмнөх боловсролын байгууллагын захиралууд оролцож, баг тамирчдад амжилт хүслээ.

Өнөөдрийн тэмцээнд дүүргийн 38 цэцэрлэгийн давхардсан тоогоор 500 гаруй тамирчид өрсөлдөж байна.

Чингэлтэй дүүргийн удирдлагууд Япон улсын Олон улсын хамтын ажиллагааны байгууллага болох /Жайка/, Эрүүл хотуудыг дэмжигч ашгийн бус байгууллагатай хамтран дүүргийн ерөнхий болосвролын 37, 50 дугаар сургуульд "Загвар сургуулиудад шүдний үзлэг хийх тогтолцоог нэвтрүүлэх төсөл"-ийн хүрээнд цахим хурлыг хийлээ.

Цахим уулзалтаар Монгол Улсын Засгийн газрын 2023 оны “Эрүүл шүд хөтөлбөрийг хэрэгжүүлэх тухай” 322 дугаар тогтоолын хүрээнд уг төслийг нийслэл, цаашлаад улсын хэмжээнд өргөжүүлэх талаар Эрүүл мэндийн яамтай хамтран хэрэгжүүлэх, ам зайлах фторт уусмалыг оруулж ирэх талаар болон бусад ажлын талаар хэлэлцлээ.

Хэнтий аймагт зохион байгуулагдсан Улсын аварга шалгаруулах “ХОНХОТ БӨМБӨГ” тэмцээнд нийт 7 аймаг, 2 дүүргийн баг, тамирчид оролцлоо.

Тус тэмцээнд дүүргийн Засаг даргын Тамгын газрын дэмжлэгтэйгээр дүүргээ төлөөлөн оролцсон 17 хүний бүрэлдэхүүнтэй баг тамирчид хүрэл медаль хүртлээ.

Нийслэлийн Чингэлтэй дүүргийн ерөнхий боловсролын сургуулийн багш, албан хаагчдын дунд Засаг даргын нэрэмжит “Спорт наадам-2024” тэмцээнийг спортын 6 төрлөөр зохион байгуулж, аваргууд шалгарлаа.

Тэмцээнд дүүргийн ерөнхий боловсролын 17 сургуулийн давхардсан тоогоор 800 гаруй багш, ажилтан, албан хаагчид өрсөлдсөнөөс:  

Тэмцээний хаалтын үйл ажиллагаанд Засаг даргын Тамгын газрын Төрийн захиргааны удирдлагын хэлтсийн дарга Б.Нацагдорж, Нийгмийн хөгжлийн хэлтсийн дарга Л.Баярмаа, Боловсролын хэлтсийн дарга А.Очир, Биеийн тамир, спортын хорооны дарга Б.Мөнхбаяр болон ерөнхий боловсролын сургуулийн захиралууд оролцож медальт байранд шалгарсан баг тамирчдад шагнал гардууллаа.

БАГИЙН ДҮНГЭЭР:

1 дүгээр байранд: Н.Гэндэнсүрэн захиралтай 5 дугаар сургууль
2 дугаар байранд: П.Эрдэнэжаргал захиралтай 17 дугаар сургууль
3 дугаар байранд: Ж.Баярмаа захиралтай 49 дүгээр сургууль тус тус шалгарлаа.
Идэвхтэй оролцсон нийт баг, тамирчдадаа баяр хүргэе.

Чингэлтэй дүүргийн Хөдөлмөр эрхлэлтийн салбар зөвлөлийн 2024 оны анхдугаар хуралдаан өнөөдөр боллоо.

Хурлыг дүүргийн Засаг даргын орлогч, Хөдөлмөр эрхлэлтийн салбар зөвлөлийн дарга Л.Цэеэрэгзэн удирдан явуулж, салбар зөвлөлийн 2023 онд хэрэгжүүлсэн үйл ажиллагааны тайланг танилцуулж, 2024 онд хэрэгжүүлэх үйл ажиллагааны төлөвлөгөөний саналыг хэлэлцэж, санал солилцлоо.

Хөдөлмөр эрхлэлтийн үндэсний зөвлөлийн 2024 оны 01 дүгээр тогтоолоор батлагдсан “Хөдөлмөр эрхлэлтийн нийтлэг үйлчилгээ”, “Хөдөлмөрт бэлтгэх сургалтын үйл ажиллагаа”, “Санхүүгийн дэмжлэг үйл ажиллагаа”, “Хөгжлийн бэрхшээлтэй иргэдийн  Хөдөлмөр эрхлэлтийг дэмжих хөтөлбөр”, “Түр ажлын байрыг дэмжих үйл ажиллагаа”-г хөдөлмөр эрхлэлтийн чиг үүрэгтээ тусган хэрэгжилтийг хангаж ажиллах чиг үүргийг өглөө.